GTIning elektr ta’minoti, aloqa, signalizatsiya va yoritish tizimlariga talablar
. Suv toshqinlarini va suv resurslarining sezilarli miqdorini tartibga solishda jalb qilingan yirik GTIlar (to‘g‘onlar, gidrouzellar) statsionaridan tashqari dizel elektr energiyasidan iborat avtonom (avariya) elektr ta’minotiga ega bo‘lishi kerak.
. GTIlar texnik aloqa vositalari va signal tizimlari bilan jihozlangan bo‘lishi kerak, ular suvni taqsimlash jarayonlari boshqaruvini, nazoratini va ularning xavfsizligini ta’minlaydi.
. GTIlardagi aloqa va signal tizimlarining holati barcha sharoitlarda favqulodda vaziyatlar to‘g‘risida tezkor xabar va ogohlantirish imkoniyatini ta’minlashi kerak.
. Kunu-tun xizmatni talab qiluvchi GTIlarning barcha suvni rostlovchi inshootlarida statsionar elektr yoritgichlari bo‘lishi kerak.
. Yorug‘lik tarmoqlarida 220 V dan oshmaydigan chiziqli kuchlanish bilan xavfsiz holatda qo‘yilgan neytral elektr tizimi ishlashi kerak. Ba’zi hollarda 380 V kuchlanishli DKST lampalari qo‘llanilganda ruxsat etiladi. Yer ostida ishlov berish, tunnellar, galereya va namligi yuqori bo‘lgan boshqa joylarda 36 voltdan ko‘p bo‘lmasligi kerak. Statsionar yoritish moslamalari uchun yer osti neytral bilan 6/0,4 kV transformatorlarni ishlatishga ruxsat beriladi.
Kechasi ishlaydigan navbatchi xodim elektr energiyasi uzilgan vaziyatda batareyali yoritgichlar bilan ta’minlangan bo‘lishi kerak.
. Galereya va tonellarda joylashgan quvur yo‘llari va suv chiqarish lotkalarining favqulodda yoritgichlari doimiy ishchi holatida bo‘lishi kerak.
. Ishchi va ma’muriy-maishiy binolarning yoritilishi mavjud shaharsozlik normalari va qoidalari talablariga javob berishi kerak.
Do'stlaringiz bilan baham: |
