Кичик гуруҳлар (жуфтлик)да ишлаш.
Ўқувчиларни кичик гуруҳларга бўлиш асосида фаолият олиб боришда “Расмларни жойлаштир!” номли технологиядан фойдаланиш ўзининг ижобий натижасини беради.
Машғулотда “Расмларни жойлаштир!” номли технологиясини қўллашда қуйидаги ҳаракатлар амалга оширилади:
Жуфтликларга ўқитувчи томонидан тайёрланган ҳамда ҳар бир карточканинг бир томонига ҳужайра таркибий қисмларини англатувчи “Ҳужайра”, “Ҳужайра қобиғи”, “Протопласт”, “Цитоплазма”, “Мағиз”, “Вакуол” ва “Пластида” каби сўзлар ёзилган карточкалар тўплами топширилиб, шундай кўрсатмалар берилади:
1. Мавзу юзасидан ўзлаштирган билимларингизга таяниб тақдим этилган карточкаларни мантиқий кетма-кетликда жойлаштиринг.
2. Карточкаларнинг орқа томонини ўгиринг ва топшириқни тўғри бажарганлигингизни текширинг (агар вазифа тўғри бажарилган бўлса, ҳар бир карточканинг орқа томонида берилган биттадан ҳарф асосида “ўсимлик” сўзи ўқилади).
Топшириқнинг бажарилиш ҳолатига кўра ўқувчилар “Назорат варағи”нинг биринчи поғонасига шахсий фаолиятлари учун баҳо (балл тизимида) қўяди.
Саволларга асосланувчи суҳбатни ташкил этиш. Мазкур ҳолатда ўқувчиларга қуйидаги саволлар билан мурожаат қилинади:
Ўсимликлар ҳужайраси қандай қисмлардан иборат?
Ҳужайра протопласти қандай қисмлар мажмуаидан ташкил топган?
Ҳужайра қобиғи қандай вазифани бажаради?
IY. “Қора қути” технологияси ёрдамида ўзлаштирилган тушунчаларни мустаҳкамлаш.
Ушбу технология воситасида жуфтлик асосида қуйидаги ҳаракатлар ташкил этилади: ўқувчилар навбат билан “Ўқитувчи” ролини бажаради. Синф тахтасига цитоплазма, мағиз, вакуол, пластида, тўқима каби атамалар ёзилади, дастлаб “Ўқитувчи” ролидаги ўқувчи қайд этилган рўйхатга ҳужайра моҳиятини ёритувчи асосий тушунчалар киритилганлигини текширади. Сўнгра ўқувчилардан синф тахтасида ўз ифодасини топган атамаларга изоҳ беришни сўрайди, тўғри жавоб бера олган ўқувчи “Ўқитувчи” ролини бажаради. Ўқувчилар бу босқичдаги фаолиятлари учун ҳам назорат варағининг иккинчи поғонасига ўзлари учун баҳо қўяди.
Do'stlaringiz bilan baham: |
