International

Talabalar bilimini baholash mezonlari:
Talabalarning bilimi quyidagi mezonlar asosida:

1. 
   Talabaning oʻquv semestri mobaynida har bir modulni oʻzlashtirishi jami nazorat turlari yigʻindisiga koʻra 100 ballik tizimda, butun (yaxlit) sonlar bilan baholanadi va quyidagicha taqsimlanadi:
   

• 
  joriy nazorat uchun – maksimal 20 ball, minimal 8 ball;
  
• 
  oraliq nazorat uchun – maksimal 30 ball, minimal 12 ball;
  
• 
  yakuniy nazorat uchun – maksimal 50 ball, minimal 20 ball;
  

Fan dasturiga koʻra modul bir nazorat turidan iborat boʻlganda, mazkur nazorat turi 100 ballik tizimda baholanadi.

2. 
   Talabalarning modulni oʻzlashtirishi kredit tizimida quyidagicha aks etadi:
   

Yakuniy toʻplangan ball	Kredit nisbati	Darajasi
71-100 ball	***	A
61-70 ball	***	B
51-60 ball	***	C
40-50 ball	***	D
0-39 ball	***	F

3. 
   Talabaning modul boʻyicha oʻzlashtirishini baholashda quyidagi namunaviy mezonlardan (bundan buyon matnda namunaviy mezonlar deb yuritiladi) kelib chiqish tavsiya etiladi:
   

a) «A» (71 — 100 foiz) olish uchun talaba:

• 
  oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, fikrini zarur dalillar bilan asoslantirishi;
  
• 
  ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri ketma-ketlikda, stilistik savodli ravishda ifodalashi;
  
• 
  muammoli savollarni aniqlashi, oʻz pozitsiyasini ilmiy-amaliy tilda asoslab bera olishi;
  
• 
  modulning tayanch tushunchalarini bilishi va uni qisqa vaqt ichida ilmiy va amaliy masalalarni yechishda samarali qoʻllay olishi;
  
• 
  nostandart vaziyatlarda muammolarni mustaqil va ijodiy hal qila olish qobiliyatini koʻrsata olishi;
  
• 
  amaliy masalalarni qisqa, asoslangan va ratsional ravishda hal etishi;
  
• 
  modul oʻquv dasturida tavsiya etilgan asosiy va qoʻshimcha adabiyotlarni toʻliq va chuqur oʻzlashtirishi;
  
• 
  oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglash, ularga tanqidiy baho berish va boshqa modullar ilmiy yutuqlarini qoʻllay olishi;
  
• 
  seminar, amaliy va laboratoriya mashgʻulotlarida butun semestr mobaynida ijodiy va mustaqil bilimini namoyish qilishi, guruhli muhokamalarda faol boʻlishi, vazifalarni bajarishda yuqori madaniyat darajasiga ega boʻlishi lozim;
  

b) «V» (61 — 70 foiz) olish uchun talaba:

• 
  oʻquv dasturining barcha boʻlimlari boʻyicha tizimli, toʻla va chuqur bilimga ega boʻlishi, zarur dalillar bilan asoslantirishi;
  
• 
  ilmiy terminologiyadan (shu jumladan, xorijiy tilda ham) aniq foydalanishi, savollarga javobni mantiqan toʻgʻri, stilistik savodli ravishda ifodalashi;
  
• 
  oʻz fikrini isbotlashda yoki boshqa nazariy materialni bayon qilishda yuzaga kelgan noaniqliklarni mustaqil bartaraf eta olishi;
  
• 
  modulning tayanch tushunchalarini bilishi, qisqa vaqt ichida ilmiy va kasbiy vazifalarni qoʻyish hamda hal qilishda undan unumli foydalanishi;
  
• 
  standart vaziyatlarda muammolarni oʻquv dasturi doirasida mustaqil hal qila olishi;
  
• 
  modul oʻquv dasturida tavsiya qilingan asosiy adabiyotlarni oʻzlashtirishi;
  
• 
  oʻrganilayotgan modul boʻyicha nazariyalar, konsepsiyalar va yoʻnalishlar mohiyatini anglay olishi va ularga tanqidiy baho berishi;
  
• 
  butun modulni oʻzlashtirish davomida seminar, amaliy va laboratoriya mashgʻulotlarida ijodiy va mustaqil qatnashishi, guruhli muhokamalarda faol boʻlishi, vazifalarni bajarishda yuqori madaniyat darajasiga ega boʻlishi lozim;
  

v) «S» (51 — 60 foiz) olish uchun talaba:

• 
  davlat taʼlim standartlari doirasida yetarli bilim hajmiga ega boʻlishi;
  
• 
  ilmiy terminologiyani ishlatishi, savollarga javoblarni toʻgʻri bayon qilishi, lekin bunda ayrim xatolarga yoʻl qoʻyishi;
  
• 
  javob berishga yoki ayrim maxsus koʻnikmalarni namoyish qilishda qiynalganda, modul boʻyicha asosiy tushunchaga ega ekanligini namoyish etishi;
  
• 
  modulning umumiy tushunchalari boʻyicha qisman bilimga ega boʻlishi va uni standart (namunaviy) vaziyatlarni hal etishda qoʻllay olishi;
  
• 
  pedagog xodim rahbarligida standart (namunaviy) vaziyatlarni hal eta olishi;
  
• 
  oʻqilayotgan modul boʻyicha asosiy nazariyalar, konsepsiyalar va yoʻnalishlar mohiyatini anglashi, ularga baho bera olishi;
  
• 
  seminar, amaliy va laboratoriya mashgʻulotlarida pedagog xodim rahbarligida qatnashishi, vazifalarni bajarishda yetarli madaniyat darajasiga ega boʻlishi lozim;
  

g) talabaning bilim darajasi «D» (40 — 50 foizgacha) baholanadi, agar:

• 
  davlat taʼlim standartlari doirasida faqat ayrim fragmental bilimlarga ega boʻlsa;
  
• 
  ilmiy terminlarni ishlata olmasa yoki javob berishda jiddiy mantiqiy xatolarga yoʻl qoʻysa;
  
• 
  seminar, amaliy va laboratoriya mashgʻulotlarida passiv qatnashib, vazifalar bajarish madaniyatining past darajasiga ega boʻlsa;
  

d) talaba oʻzlashtirishi quyidagi hollarda bilim darajasi «F» (0 — 39 foizgacha) bahoga baholanadi, agar:

• 
  tegishli modul boʻyicha bilimlarga ega boʻlmasa;
  
• 
  amaliy koʻnikmalarga ega boʻlmasa, xatolarini hatto pedagog xodim tavsiyalari yordamida ham toʻgʻrilay olmasa.