WWW – хизмати. Интернетга мурожаатни кенгайтириш лойихаси. Интернет нима? - Интернет - бу ягона стандарт асосида фаолият кўрсатувчи жаҳон глобал компьютер тармоғидир. Унинг номи «тармоқлараро» деган маънони англатади.
- У маҳаллий (локал) компьютер тармоқларни бирлаштирувчи ахборотлашган тизим бўлиб, ўзининг алоҳида ахборот майдонига эга бўлган виртуал тўпламдан ташкил топади.
- Интернет тармоғининг асосий ячейкалари бу шахсий компьютерлар ва уларни ўзаро боғловчи локал тармоқлардир.
- Интернет алоҳида компьютерлар ўртасида алоқа ўрнатибгина қолмай, балки компьютерлар гуруҳини ўзаро бирлаштириш имконини ҳам беради.
Интранет - Интранет - бу интернет технологияси, дастурий таъминоти ва протоколлари асосида ташкил этилган, ҳамда маълумотлар базаси ҳамда электрон маълумотлар билан жамоа равишда ишлаш имконини берувчи корхона ёки концерн миқёсидаги ягона ахборотлашган муҳитни ташкил этувчи компьютер тармоғидир.
Сервер - Сервер - бу бошқа компьютер ва дастурларга хизмат кўрсатадиган компьютер воситаси ёки дастурдир. Яъни бошқа компьютерларга ўзининг файлларидан фойдаланишга рухсат берувчи компьютер сервер ҳисобланади. Битта компьютерда бир неча сервер ишлаши мумкин.
- Интернет – International network - халқаро тармоқ маъносини англатади
- Веб сайт – бирор бир соҳага, фаолиятга, воқеа ва ходисага бағишланган маълумотларни ўзида жамлаган Интернет саҳифалар мажмуи.
- Интернет провайдер – Интернет тармоғи хизматларидан фойдаланишни таъминлаб берувчи юридик шахс.
- Электрон почта – Интернет тармоғи орқали тезкор маълумотлар ва хабарлар алмашиш тизими
- Чат – Интернет тармоғи орқали тезкор мулоқотни ёзишув асосида ташкил қилиш хизмати
- Форум – Интернет тармоғи орқали турли тоифадаги масалаларни ўзаро муҳокама қилиш тизими
- Интернет конференция – Интернет тармоғи хизматлари орқали турли анжуманларни ташкил этиш
- Трафик - бу Интернет алоқа каналлари орқали узатилган маълумотлар оқими ҳажми.
- Интернет манзил (URL) – Интернет тармоғида жойлаштирилган ахборот ресурсларининг мурожаат манзиллари.
Do'stlaringiz bilan baham: |
