Интернет тармоғи ресурслари Веб-саҳифа тушунчаси ва шакли

Фотоларни қидириш. Фотолар маълумотларнинг график ёки тасвир кўриниши ҳисобланади. Интернет тармоғида график маълумотларнинг кўплаб турлари учрайди, яъни: чизма (вектор), фото (растр), ҳаракатланувчи (анимация) ҳамда сиқилган фотолар. Бундай график маълумотлар таркибида матнли ахборот мавжуд бўлмайди. Шундан кўриниб турибдики, демак фото кўринишидаги маълумотлар устида фақатгина унинг номи ёки тури бўйича қидирув олиб бориш мумкин. Кўпгина интернет қидирув тизимлари график ёки тасвир кўринишидаги маълумотларни қидириш учун алоҳида бўлимга эга бўлиб, бу бўлим орқали ихтиёрий турдаги фотоларни уларнинг номлари бўйича қидирувни амалга ошириш мумкин. Масалан, қуйидаги фотога шундай қидирув тизимларининг бири тасвирланган.

Аудиоларни ва видео маълумотларни қидириш. Интернет тамоғида матнли ёки фото кўринишидаги маълумотлардан ташқари аудио ва видео маълумотларнинг ҳам кўплаб манбалари мавжуд. Интернет тармоғи орқали ҳар бир фойдаланувчи аудио эшитиши, радио тинглаши, теледастурлар ёки видеовидеоларни томоша қилиши мумкин. Интернет орқали радиоэшиттириш ва теледастурлар намойиши маълум, ушбу турдаги хизматларни тақдим этувчи тизимлар (серверлар) томонидан амалга оширилади. Интернет орқали радио тинглаш ёки телекўрсатувни томоша қилиш учун ушбу тизимга боғланишни ўзи кифоядир. Аммо аудио ва видеолар Интернет тармоғига уланган компьютерларда алоҳида маълумот кўринишида сақланади. Уларни тинглаш, томоша қилиш ёки компьютерга кўчириб олиш учун аввало кераклигини қидириб топиш зарур.
Аудио ва видео маълумотлари устида ҳам график (фото) маълумотлар каби унинг номи ёки изоҳи бўйича қидирув олиб бориш мумкин. Бунда аудио ва видеоларни қидириб топиш учун қидирув тизими майдонига маълумотнинг номи ёки унинг изоҳига таалуқли бирор жумла киритилади ва қидирув тизими ишга туширилади. Шундан сўнг қидирув тизими томонидан киритилган жумлага мос келувчи аудио ва видео маълумотлар жойлашган веб-сайтларнинг рўйҳати шакллантирилади. Рўйхатдаги веб-сайтлар фойдаланувчи томонидан бирин – кетин кўриб чиқилади ва керакли маълумотлар компьютерга сақлаб олинади.