Iqtisodiy xavfsizlik” kafedrasi I. A. Bakiyeva., B. U. Shermuhamedov

XXVIII-MAVZU. VALYUTA KURSINING MAKROIQTISODIY SIYOSATGA TA’SIRI
1-Masala
Nemis markasiga nisbatan dollar kursi 3:1 ni tashkil etadi. Bir xil tovar AQShda 400 doll., Germaniyada esa 1200 marka turadi deb tasavvur qilamiz. Agar dollar kursi sun’iy tarzda 1:2 gacha pasaysa, qaysi eksportchi qo‘shimcha daromad oladi (AQShmi, yoki Germaniyami).
Qo‘shimcha daromad qiymatini aniqlang.
2-Masala
Faraz qilaylik, yevroga nisbatan dollarning kursi 1:3, ya’ni bir xil tovar AQShda masalan 400 dollar tursa, Germaniyada bu tovarning narxi 1200 yevro bo‘ladi. Agar dollarning kursi sun’iy ravishda 1:2 gacha pasaysa, qaysi eksport qiluvchi qo‘shimcha daromad oladi (AQSh yoki Germaniya)? Bu qo‘shimcha daromadning hajmini aniqlang.
3-Masala
Faraz qilaylik, B mamlakatning hukumati o‘z valyuta kursini A mamlakatning milliy valyutaga nisbatan barqarorlashtirib olmoqchi. A mamlakatdagi inflyatsiyaning sur’ati yiliga 5%ni tashkil etadi.
a) B mamlakatda bu maqsadga erishish uchun inflyatsiya sur’ati qanday bo‘lish kerak?
b) Uzoq muddatli davrda pul aylanish tezligi o‘zgarmasa va ishlab chiqarishning o‘sish sur’ati 3%ni tashkil etsa, valyuta kursini barqarorlashtirish uchun pul massasining o‘sish sur’atlari qanday bo‘lishi kerak?
XXIV-MAVZU. TO‘LOV BALANSI VA UNING TARKIBI
1-Masala

Mamlakatning iqtisodiyoti quyidagi ma’lumotlar bilan ifodalanadi:

Tovarlar eksporti	29700 mln. so‘m
Tovarlar importi	31700 mln. so‘m
Chet elga qo‘yilgan investitsiyalardan olingan foiz shakllaridagi daromadlar	4600 mln. so‘m
Chet ellik investorlarga foiz to‘lovlari	2400 mln. so‘m
Turizmdan olingan mamlakatning daromadlari	2700 mln. so‘m
Mamlakatning bir tomonli transfert to‘lovlari	3500 mln. so‘m
Mamlakatdan kapitalning chiqib ketishi	5200 mln. so‘m
Chet el turizmiga mamlakat rezidentlarining xarajatlari	2800 mln. so‘m
Mamlakatga kapitalning oqib kelishi	8600 mln. so‘m

Bu ma’lumotlar asosida joriy hisobning qoldig‘ini aniqlang.