Iqtisodiyot va ta'lim / 2023-yil 2-son 354 туризмда хавфсизликнинг айрим тамойиллари ва

 
SOME PRINCIPLES AND CHARACTERISTICS OF SAFETY IN TOURISM 
 
Nurislam Tukhliev - 
 Professor, Doctor of Economics, Professor of the 
Department “Islamic Economics and Finance,
Pilgrimage Tourism” of the International
Islamic Academy of Uzbekistan 
Annotation.
 The article deals with theoretical and practical issues of security in tourism. Also considered are such an 
important security system as travel insurance for tourists, the relationship of tourists with sanitary and medical, customs 
institutions and xenophobia of the local population. 
Keywords:
security, crime, xenophobia, infrastructure, currency, accommodation, excursion, insurance, customs, tour 
operator, travel agent, tour package. 
 
Кириш.
Шахсий хавфсизлик, сўзсиз – му-
ҳим ва қадимий тушунча. У ҳар бир турист учун 
овқат, уйқу, ҳаво, сув каби зарур. Шунинг учун 
ҳам саёҳат давомида туристнинг хавфсизлиги 
туристик фирма ва давлат учун бош ғамхўрлик-
лардандир. Туристларнинг хавфсизлигини таъ-
минлашга бир қатор комплекс чора-тадбирлар 
қаратилган бўлиб, улар туристик ташкилотлар 
ва давлат органлари томонидан амалга ошири-
лади. Бунда қабул қилувчи мамлакатлардаги 
сиёсий ва экологик вазиятга биринчи даражали 
аҳамият берилади. Бу омилларнинг мавжуд 
эмаслиги туризмни қийинлаштиради. Ва ту-
ристлар учун хавфсиз эмас. Бу ҳақида туристик 
компания аниқ ахборотга эга бўлмаса ва турист-
ларга кафолат беролмаса, ноқулай минтақалар-
га саёҳатчиларнинг бориши кескин камайиб 
кетади. Масалан, Форс кўрфазида бўлган уруш 
ҳаракатлари бу минтақага борадиган туристлар 
сонини 90 фоизга қисқартириб юборган эди. 
Миср, Сурия, Ливия мамлакатлари ва Кавказ 
минтақасида ҳам шундай ҳолат юз берди. Тер-
рористик ҳужумдан кейин Индонезиянинг Бали 
оролига борувчилар, Чернобилдаги авариядан 
кейин Украина ва Беларусга саёҳат қилувчилар 
кескин камайиб кетганлиги маълум. 
Пандемия оқибатлари, Россиянинг Украи-
надаги ҳарбий ҳаракатлари ҳам туризм саноати-
га берилган жиддий зарба бўлди.