Ishdan maqsad — mehnat muhofazasi bo‘yicha hisobot hujjatlari

Sex boshliqlari va ustalarning vazifalari:
- barcha ishchilarning mehnat muhofazasi bo‘yicha amaldagi me’yor va qoidalarga rioya qilishlarini ta’minlash, ish vaqtida xavfli va zararli mehnat sharoitlari bilan bog‘liq barcha ehtiyot choralarini nazorat qilish;
- ishlab chiqarish sharoiti bilan mos holda amaldagi mehnat muhofazasi me’yor va qoidalari asosida xavfsiz ish usullari bo‘yicha yo‘riqnomalar tuzishda qatnashish;
- barcha ishchilarni xavfsiz ish usullariga o‘qitish qo‘l ostidagi bo‘lim xodimlari bilan xavfsizlik texnikasidan yo‘riqnoma o‘tkazish;
Mehnat muhofazasi muxandisi vazifalari:

• 
  kirish yo‘riqnomasi o‘tkazish;
  
• 
  barcha sex, bo‘limlar boshliqlari tomonidan mehnat muhofzasi bo‘yicha amaldagi qonun va qoidalarni hukumat va vazirliklarning qaror va nizomlarning hamda yo‘riqnomalarning bajarilishini nazorat qilish;
  

-xavfsizlik texnikasi bo‘yicha yo‘riqnomalarni to‘g‘ri ishlatilayotganligini nazorat qilish va ularni ishlab chiqishda qatnashish;
- mehnat muhofazasi bo‘yicha buyruq va farmoyishlarni tayyorlash va hisobot xujjatlarini olib borish;
-mehnat sharoitlarini yaxshilash bo‘yicha tadbirlar ishlab
chiqish, xavfsizlik texnikasi bo‘yicha tashkiliy-texnik rejalar loyihasini tuzish va ularning bajarilishini nazorat qilish;
-xavfsizlik texnikasi bo‘yicha yangi zamonaviy konstruksiyalarni ishlab chiqishda va tadbiq qilishda qatnashish hamda ilg‘or korxonalarning va ilmiy tadqiqot institutlarining takliflarini ishlab chiqarishga tadbiq etishda jonbozlik ko‘rsatish;
-korxonani qishki va yozgi ish sharoitlariniiga tayyorlash tadbirlarida va ularning bajarilishida qatnashish;
-jamoa shartnomasida belgilangan mehnat sharoitlarini sog‘lomlashtirish bo‘yicha tadbirlarni bajarilishini tekshirish;
-bino va inshootlarni, uskuna va apparatlarni qurish, ta’mirlash loyixalarini ko‘rib chiqish va ularni qabul qilish komissiyalarida qatnashish;
-ishchilar bilan xavfsizlik texnikasi bo‘yicha yo‘riqnomalar o‘tkazish, muxandis-texnik xodimlar va xavfli mehnat sharoitlarida ishlovchilar bilan o‘quvlar tashkil qilish;
-tibbiy ko‘riklarning o‘z vaqtida o‘tkazilib turilishini nazorat qilish;
-sexlarda va ish xonalarining ko‘rinib turuvchi joylarga mehnat muhofazasi, xavfsizlik texnikasi va ishlab chiqarish sanitariyasi bo‘yicha amaldagi qaror, qoida va yo‘riqnomalar osib qo‘yilishini nazorat qilish;
-tibbiy ko‘riklarning o‘z vaqtida o‘tkazilib turilishini nazorat qilib turish;
-sexlarda va ish xonalarining ko‘rinib turuvchi joylariga mehnat muhofazasi, xavfsizlik texnikasi va ishlab chiqarish sanitariyasi bo‘yicha amaldagi barcha qaror, qoida va yo‘riqnomalar osib qo‘yilishini nazorat qilish;
-xavfsizlik texnikasi bo‘yicha xonalarni jixozlash, plakat va ogohlanirtuvchi yozuvlarni osib qo‘yish;
-ishlab chiqarish bilan bog‘liq baxtsiz xodisalarning sabablarini aniqlashda, taftish qilishda va ularni ogohlantirish va bartaraf qilish tadbirlarida qatnashish;
-baxtsiz hodisalarni hisobga olish, rasmiylashtirish va tahlil qilish;
-korxona rahbariga xavfsizlik texnikasi bo‘yicha ishlarni yaxshi yo‘lga qo‘ygan hodimlarni taqdirlash, talab va qoidalarni buzgan xodimlarni javobgarlikka tortish haqida ma’lumotnoma berish.


2.3.Mehnat muhofazasi muxandisi quyidagi hukuqlarga ega:
- sex, uchastka, bo‘lim boshliqlariga xavfsizlik texnikasi talab va qoidalarining buzilishini bartaraf qilish to‘g‘risida ko‘rsatma berish. Bu ko‘rsatmalar faqat korxona rahbari va bosh muxandis tomonidan bekor qilinishi mumkin;

• 
  ishlovchilarning hayotiga va sog‘lig‘iga yaqqol xavf mavjud bo‘lgan uskuna, dastgoh, mexanizm va sexlarda ishlashni ta’qiqlashi yoki vaqtinchalik to‘xtatib qo‘yishi mumkin va bu xaqda korxona rahbariga darhol xabar berishi kerak;
  
• 
  xavfsizlik texnikasi talablariga mos kelmaydigan uskuna, asbob va qurilmalarni ishlatishdan olib qo‘yilishi choralarini ko‘rish;
  
• 
  sex, uchastka va bo‘lim boshliqlaridan ishlab chiqarish bilan bog‘liq bo‘lgan baxtsiz hodisalarni o‘z vaqtida taftish qilish va muntazam ravishda hisobotini olib borishni talab qilish
  
• 
  sex boshlig‘i bilan birgalikda xavfsizlik texnikasi qoida va talablarini buzuvchilarni vaqtinchalik ishdan chetlashtirish.
  

Mehnat muhofazasi muxandisi bevosita korxona direktoriga va bosh muxandisga bo‘ysunadi.
U o‘z ishini korxona kasaba uyushmasi, mehnat muhofazasi komissiyasi, tarmoq kasaba uyushmasining texnik noziri, Davtexkonnazorat, Davenergonazorat, Davsannazorat va Davlat yong‘in nazorati inspeksiyalari bilan birgalikda olnb boriladi.

2.4.Umumiy ma’lumotlar.

Korxonalarda mehnat muhofazasidan ishlatiladian xujjatlar shartli ravishda quyidagi turlarga bo‘linadi:
- me’yoriy (mehnat xavfsizligi bo‘yicha standartlar, qurilish me’yor va qoidalari, sanitariya me’yorlari, mehnat muhofazasidan yo‘riqnomalar va sh.o‘.);
-texnik (uskuna va dastgohlarni ishlatish bo‘yicha qo‘llanmalar, texnik pasport va boshqalar);
- rejalar (mehnat sharoitlarini yaxshilash, mehnat muhofazasi
va sanitariya-sog‘lomlashtirish tadbirlari kompleksi rejasi, jamoa shartnomalari, mehnat muhofazasi va ijtimoiy masalalar bo‘yicha bitimlar, baxtsiz hodisalarning sabablarini bartaraf qilish bo‘yicha tadbirlar. Davlat nazorati va mehnat texnik nozirlarining ko‘rsatmalari, mehnat muhofazasi kunlari va uch pog‘onali nazorat vaqtida tuzilgan tadbirlar va b.);
-buyuruvchi (buyruqlar, qarorlar, farmoyishlar, yo‘riqnoma
xatlar va yuqori tashkilotlarning hujjatlari);
-rasmiylashtiriluvchi (yo‘riqnoma va kurs o‘quvlarini jurnallarga yozib qo‘yish, taftish dalolatnomalarn va baxtsiz hodisalarni rasmiylashtirish jurnallari, mehnat muhofazasining uch pog‘onali nazoratini aks ettiruvchi jurnal, korjomalarni maxsus poyafzal, ximoya vositalari va boshqalarni hisobga olish shaxsiy kartochkalari;
- hisobot (jarohatlar haqida hisobotlar).
Ushbu amaliy mashg‘ulotda ayrim rasmiylashtiriluvchi va hisobot jurnallari ko‘rib chiqiladi.