Ишлаб чиқариш ва давр харажатлари таҳлили

MAVZU: AVTOTRANSPORT KORXONALARIDA MOLIYAVIY NATIJALAR KO‘RSATKICHLARINING HISOBI

Rejalar

• Avtotransport korxonalarida asosiy faoliyatdan olingan moliyaviy natijalar ko‘rsatkichlarining hisobi Yoqilg‘i sarfining hisobi
• Avtotransport korxonalarida umumxo‘jalik faoliyatidan olingan moliyaviy natijalarning hisobi
• Avtotransport korxonalarida sof foyda va uni ishlatilishining hisobi
• Avtotransport korxonalarida moliyaviy natijalar ko‘rsatkichlarini moliyaviy hisobotda aks ettirish xususiyatlari

Avtotransport korxonalarida asosiy faoliyatdan olingan moliyaviy natijalar:

sotishdan olingan sof tushum,

sotish tannarxi,

sotishdan olingan foyda yoki zarar,

davr xarajatlari,

asosiy faoliyatdan olingan boshqa daromadlar, asosiy faoliyatdan olingan foyda yoki zarar kabi ko‘rsatkichlar bilan tavsiflanadi.

Yuqoridagi ko‘rsatkichlami shakllantirish va hisobga olishda avtotransport korxonalari boshqa xo‘jalik yurituvchi subyektlar singari О‘zbekiston Respublikasi Vazirlar Mahkamasining 1999-yil 5-fevraldagi qarori bilan tasdiqlangan «Mahsulot (ish, xizmat)larni ishlab chiqarish va sotish xarajatlari hamda moliyaviy natijalami shakllantirish to‘g‘risidagi nizom»ga, shuningdek respublikamizning 1-son “Moliyaviy hisobot va hisob siyosati», 2-son BHMS «Asosiy faoliyatdan olingan daromadlar», 3-son BHMS «Moliyaviy natijalar to‘g‘risida hisobot» va 21 - son BHMS «Xo‘jalik yurituvchi subyektlar moliyaviy-xo‘jalik faoliyati buxgalteriya hisobi schotlar rejasi va uni qo‘llash bo‘yicha yo‘riqnoma»ga amal qilishlari lozim.

• Avtotransport korxonalarida sotishdan olingan sof tushum deganda ATVlar yordamida bajarilgan ish (ko‘rsatilgan xizmat)lardan olingan daromadlar tushuniladi. Hisobot davri (oy, chorak, yil) davomida sotishdan olingan sof tushum 9030 «Bajarilgan ish va ko‘rsatilgan xizmatlardan daromadlar» schotining kreditida aks ettiriladi. Hisobot davr oxirida ushbu schotning kreditida to‘plangan summa 9910 «Yakuniy moliyaviy natija»schotiga o‘tkaziladi va shu yo`l bilan u yopiladi.