Respublikamizning xususiy korxonalar to‘g‘risidagi qonuniga muvofiq ushbu maqomdagi avtotransport korxonalarida olingan sof foyda ular egalarining mulki hisoblanadi hamda dividend solig‘iga tortilmaydi. Davlat unitar korxonalari maqomidagi avtotransport korxonalarida hisobot yilning sof foydasi taqsimlanmaydi. Ushbu turdagi korxonalarda hisobot yilning sof foydasi ularning ustav kapitalini ko‘paytirishga yo‘naltiriladi va unga quyidagicha buxgalteriya hisobi qilinadi: Debet 8710 «Hisobot davming taqsimlanmagan foydasi (qoplanmagan zarari)»; Kredit 8300 «Ustav kapitali» Avtotransport korxonalari moliyaviy natijalarini ifodalovchi ko‘rsatkichlar ular tomonidan tuziladigan «Moliyaviy natijalar to‘g‘risida hisobot» (2-shakl)da o‘z aksini topadi. Ushbu hisobotni tuzishga asos bo‘lib avtotransport korxonalarining barcha turdagi daromad va xarajatlari, foyda hamda foydaning ishlatilishi hisobi uchun mo‘ljallangan vaqtinchalik (tranzit) schotlarning ma’lumotlari hisoblanadi. Moliyaviy natijalar to‘g‘risida hisobotning alohida satrlari quyidagi tartibda shakllantiriladi: 010-satr «M ahsulot (tovarlar, ish va xizmat)larni sotishdan tushgan sof tushum»da ATVlar yordamida bajarilgan ish (ko‘rsatilgan xizmat)lardan tushgan sof tushum aks ettiriladi. 020-satr «Sotilgan mahsulot (tovarlar, ish va xizmat)larning tannarxi»da ATVlar yordamida bajarilgan ish (ko'rsatilgan xizmat)laming sotish tannarxi aks ettiriladi. 030-satr «Mahsulot (tovarlar, ish va xizmat)larni sotishning yalpi foydasi (zarari)da hisobotning 010 va 020-satrlarida ko‘rsatilgan summalarning farqi yoziladi. 040-satr «Davr xarajatlari, jami»da avtotransport korxonasi davr xarajatlarining umumiy summasi ko‘rsatiladi. 040-satr «Davr xarajatlari, jami»da avtotransport korxonasi davr xarajatlarining umumiy summasi ko‘rsatiladi. 090-satr «Asosiy faoliyatning boshqa daromadlari»da avtotransport korxonalarining asosiy faoliyatdan olingan boshqa daromadlari aks ettiriladi.
Do'stlaringiz bilan baham: |
