“ишлаб чиқилган”

1.8. 
Мазкур Сиёсатнинг мақсадлари учун қуйидаги асосий тушунчалар
ва атамалардан фойдаланилади: 
давлат органлари ва муассасалари – давлат ҳокимияти ва бошқаруви 
органлари, фуқароларнинг ўз-ўзини бошқариш органлари (жумладан, 
вазирликлар, хизматлар, агентлик, марказлар ва бошқа идоралар) ва уларнинг 
таркибий бўлинмалари, шунингдек давлат томонидан бевосита ёки билвосита 
назорат қилинадиган юридик шахслар; 
иш фаолияти юзасидан меҳмондўстлик белгилари – учинчи 
шахсларнинг Банк ходимлари билан ҳамкорлик ўрнатиш ва/ёки ҳамкорликни 
қўллаб-қувватлаш ҳамда ўзларига нисбатан содиқликларини ошириш мақсадида 
Банк ходимлари учун ва/ёки уларни манфаатларини кўзлаб қилган ҳаражатлари, 
жумладан, учинчи шахслар томонидан амалга оширилган қуйидаги ҳаражатлар: 
иш фаолияти юзасидан овқатланишлар учун, йўлкира ҳақини қоплаш учун, 
кўнгилочар тадбирлар учун, саёҳат ва меҳмонхона хизматлари ҳаражатлари ва 
ҳоказолар; 
контрагент – Банк билан шартномавий муносабатларга киришган (меҳнат 
муносабатлари бундан мустасно) ҳар қандай юридик ёки жисмоний шахс; 
коррупция – шахснинг ўз мансаб ёки хизмат мавқеидан шахсий 
манфаатларини ёхуд ўзга шахсларнинг манфаатларини кўзлаб моддий
ёки номоддий наф олиш мақсадида қонунга хилоф равишда фойдаланиши, 
худди шунингдек бундай нафни қонунга хилоф равишда тақдим этиши; 
коррупциявий хавф-хатар – Банк ходимлари ёки учинчи шахслар 
томонидан Банк номидан ва (ёки) уларнинг манфаатларини кўзлаб коррупциявий 
ҳаракатларни содир этиш эҳтимоли ва хавфи; 
коррупциявий ҳаракатлар – ходим томонидан бевосита ёки билвосита 
шахсан ёки учинчи шахслар орқали пора берувчи манфаатлари йўлида ҳаракат 
ёки ҳаракатсизлик учун моддий/номоддий манфаатдор бўлиши, шу жумладан 
пул, қимматбаҳо қоғоз, бошқа кўринишдаги мулк ва мулкий ҳуқуқлар, мулкий 
ҳарактердаги хизматлар олиш, талаб қилиш, ундириш, таклиф қилиш ёки бериш, 
пора бериш ва/ёки олиш ёки порада воситачилик қилиш, расмиятчиликларни 
соддалаштириш учун тўловлар ундириш (пора олиш) ва бошқа ноқонуний 
мақсадларда ўз хизмат мавқеидан ноқонуний фойдаланиш;