Ishlanmalari

Bolalar uchun amaliy ish.

Tarbiyachi: Bolajonlar, qo’lingizdagi qog’ozga men aytgan tarafga qarab chiziqlar chizasiz. Chiziqlar chizishda mana bu tayoqchalardan foydalanamiz. Natijada nimaningdir rasmini chizamiz. Demak, boshladik:
1-qog’ozning pastki chap tomonidagi nuqtadan o’ng tomonidagi nuqtagacha, ya’ni shkaf tomonga uzun tayoqcha yordamida chiziq chizing.
2-chizilgan chiziqning chap tomonidagi uchidan yuqoridagi nuqtagacha, doska tomonga qaratib kalta tayoqcha yordamida chiziq chizing.
3-birinchi chizgan chizig’imizning o’ng tomonidagi uchidan yuqoriga doska tomonga kalta tayoqcha bilan chiziq chizing.
4-kalta tayoqchalar bilan chizgan chiziqlarimizning uchini birlashtiring. Bunda chapdagi chiziqning uchidan o’ngdagi chiziqning uchiga chiziq chizing.

. 4 2 3 . 1 .

Bolajonlar, qanday geometrik shakl hosil bo’ldi?

Bolalar: To’rtburchak.
Bilimlarni mustahkamlash uchun o’yin: “Qaerga borasan va nimani topasan?”.
Kerakli jihozlar: Turli o’yinchoqlar.
O’yin mazmuni. Tarbiyachi o’yinchoqlarni xonaning turli joylariga: boladan o’ng tomonga raketani, chap tomonga-koptokni, bolaning oldiga qo’g’irchoqni qo’yadi, uning orqasiga – mashinani qo’yadi va shunday deydi: “Oldinga borsang- qo’g’irchoqni topasan, o’ngga borsang raketani topasan, chapga borsang-koptokni topasan, orqaga borsang-mashinani topasan”. “Sen qayoqqa borasan va nimani topishni istaysan?”
O’yin 5-6 minut davom etadi.

Bolalar bilimini oshirish va mustahkamlash uchun savollar:
1. O’ng tomonningizda qanday jihoz turibdi?
2. Chap tomoningizda nima bor?
3. Oldingizda qaysi jihoz turibdi?
4. Orqangizda qaysi o’yinchoq turibdi?
5. O’ng va chapni farqlashni o’rganib oldingizmi?

Faoliyat yakunida bolalarni rag’batlantirish.