Ishlanmas I dars o'tiladigan sana: Fan

Romitan tumanidagi 5- maktabning
fizika fani amalyotchisi
Nematov Shaxzodning
9 - sinfiga o'tgan
bir soatlik ochiq darsi

I S H L A N M A S I

Dars o'tiladigan sana: Fan: FIZIKA
Dars mavzusi: Ho'llash. Kapillar hodisalar
Dars maqsadi: a) Ta'limiy maqsad - Suyuqliklarning qattiq jismlar sirtini ho'llash hodisasi, ho'llash-ho'llamaslik shartlari, kapillarlik, ulardan tabiatda va turmushda foydalanish haqida bilimlar berish orqali o'quvchilarda fizik jarayon va hodisalarni kuzatish, tushunish va tushuntirish kompetensiyasini, sirt taranglik kuchini o'lchash, kapillar naylarda suyuqlikning ko'tarilish balandligini (pasayish chuqurligini) aniqlash formulasiga oid masalalar yechish orqali fizik bilimlar va asboblardan amaliyotda foydalana olish kompetensiyasini shakllantirib borish;
b) Tarbiyaviy maqsad - Ho'llash va kapillar hodisalarining turmushda, odam hamda hayvonot olamining qon aylanish tizimida, qishloq xo'jaligidagi ahamiyatini tushunish orqali o'quvchilarda axborot bilan ishlash kompetensiyasini tarbiyalab borish;
v) Rivojlantiruvchi maqsad- Ho'llash va kapillar hodisalarni o'rganish mobaynida o'quvchilarda egallangan bilimlarni hayotda qo'llay olish orqali o'z-o'zini rivojlantirish kompetensiyasini o'stirib borish.
Dars uslubi: kichik guruhlarda ishlash, klaster,BBB, tushuntirish, eksprement (tajriba) otkazish, tezkor savol-javob ( aqliy hujum ), test
Dars jihozi: sezgir dinamometr, turli shakldagi simdan yasalgan kichik jismlar, kapillar naychalar, suvli idishlar, igna, medisina shpitsi, simobli termometr, universal shtativ, kompyuter, proyektor, kodoskop va proyeksion-ko'rgazmalar to'plamidan №37-raqamli slayd, tarqatma materiallar, O'zbekiston Respublikasining Konstitutsiyasi
Dars turi: Yangi bilimlarni o'rganish darsi
Darsning borishi:
I. Tashkily etap- (O'quvchilar o'z o'rniga joylashib olguncha "Zakovat" teleo'yinining madhiyasi yangrayveradi.) O'quvchilar bilan salomlashaman, sinf davomadini navbatchi-o'quvchidan aniqlab olaman. O'quvchilar diqqatini darsga jalb qilish maqsadida quyidagi savolni o'rtaga tashlash orqali muammoli vaziyat yarataman:

Buyuk rus sarkardasi Suvorovning fikricha: " Pul aziz, inson puldan aziz. U esa hammasidan ham azizroqdir. Bu - ….. " Diqqat savol: Bu nima ?

Javob: bu - vaqt! Ekranda G. G'ulomning quyidagi satrlari dars shiori sifatida namoyish etiladi :

Aziz asrimizning aziz onlari
Aziz odamlardan so’raydi qadrin.
Fursat g’animatdir shoh satrlar ila
Bezamoq chog’idir umr daftarin.
SHundan so'ng quyidagi oltin qoidalar ekranda namoyish etaman:
Vaqtni qadrlang
Dars muqaddas !
Faolroq bo'ling
Diqqatli jamlang
Eslang, tasavvur qiling va izlaning
Endi esa, darsda o'quvchilarning ishtirokini baholash tizimini tushuntiraman:
Baholash tizimi:
Savol - topshiriqlarga to'g'ri va to'liq javob bergani uchun o'quvchilarga "OFARIN", chala javob bergani uchun ularga "RAHMAT" rag'bat bali berib boriladi. Xato javob uchun hech qanday ball berilmaydi Dars oxirida ularning yig'indisi baho baliga aylantiriladi.
Guruhlar tashkil etishning tartibi:
O'zbekiston Respublikasi Konstitutsiyasi qabul qilinganligining 25 yilligi munosabati bilan Konstitutsiyamizning ba'zi moddalariga bag'ishlangan quyidagicha topshiriq beraman :

"Konstitutsiya moddalari mazmuni"ga to'g'ri keluvchi modda raqamini "variantlar" ichidan topib " javoblar"ga eltib qo'ying
№	Konstitutsiya moddalari mazmuni	javoblar	variantlar
I-qator o'quvchilariga:
1	Demokratik huquq va erkinliklar konstitutsiya va qonunlar bilan himoya qilinadi.		19 42 29 31 13
2	Fuqarolarning Konstitutsiya va qonunlarda mustahkamlab qo'yilgan huquq va erkinliklari dahlsizdir.
3	Har kim fikrlash, so'z va e'tiqod erkinligi huquqiga ega.
4	Hamma uchun vijdon erkinligi kafolatlanadi.
5	Har kimga ilmiy va texnukaviy ijod erkinligi kafolatlanadi.
II-qator o'quvchilariga:
1	Har bir shaxs bevosita o'zi va boshqalar bilan birgalikda vakolatli davlat organlariga, muassasalariga yoki xalq vakillariga ariza, taklif va shikoyatlar bilan murojaat qilish huquqiga ega.		35 42 41 36 40
2	Har bir shaxs mulkdor bo'lishga haqli.
3	Har bir inson malakali tibbiy xizmatdan foydalanish huquqiga ega.
4	Har kim bilim olish huquqiga ega. Bepul umumiy ta'lim olish davlat tomonidan kafolatlanadi.
5	Har kimga madaniyat yutuqlaridan foydalanish huquqi kafolatlanadi.

Javob: I-qator : 13,19,29,31,42. Ushbu moddalarda O'zbekiston Respublikasi fuqarolarining erkinliklari bayon qilingan. SHU sababli ushbu guruhni "ERKINLIK GURUHI" deb atashni taklif qilaman.

II-qator : 35, 36, 40, 41,42. Ushbu moddalarda O'zbekiston Respublikasi fuqarolarining huquhlari bayon qilingan. SHU sababli ushbu guruhni "HUQUQ GURUHI" deb atashni taklif qilaman.