Islom tarixi va falsafasi fakulteti tarix kafedrasi

II Bob. Ibn Battutaning O’rta Osiyoga sayohati

2.1. Ibn Battutaning O’rta Osiyo bo’ylab sayohatining yo’nalishlari

Jahongashta sayyoh dunyoni kezish mobaynida O’rta Osiyo shaharlaridan ham o’tadi. Bu shaharlarning Bu shaharlarning yo’nalishi quyidagicha bo’lgan: Sarojuq-Xorazm(Ko’hna Urganch, Kat)-Vobkent-Buxoro-Termiz-Samarqand-Kobul-Hindiston.­

Sarojuq shahri

Sayyohning O’rta Osiyoga dastlabki qadami Sarajuq shahriga quyiladi. “Sarojuq shahri hozirgi Qozog’iston hududidagi Guryev shahridan 58 km naridagi Saroychiq pasyolkasidir. Sarojuq−kichik shahar demakdur”¹⁶. Ibn Battuta Sarojuqqa kelishidan oldin Sulton O’zbekxon yurti Oltin O’rdada bo’ladi. U Kichik Osiyodan Qora Dengiz orqali Karshga, Qirimdan Oltin O’rda xoni O’zbekxonning “Saroy” shahriga boradi. Undan keyin Sarojuqqa kelgan. Shahar Ural daryosi bo’yida joylashgan. Ural XIV asrda Shahar Ulusi (ulug’ suv) deb atalgan. Muallif daryo ustidagi sol yordamida yasalgan ko’prikni Bog’doddagisiga o’xshatadi. Sayyoh u yerdagi turklar “Ota”deb nomlagan zoviya ya’ni xonaqihda Shayx va shahar qozisi bilan uchrashadi. So’ngra 3 kun jazirama sahrodan o’tib Xorazga keladi. Busahro hozirda ham Qozag’iston saqlangan.