Islom ummatining mashhur bahodirlari

22. Abdulloh ibn Zubayr roziyallohu anhu.  

U  shijoatli,  botir,  jasur  bahodirning  o‘g‘li  bo‘lib,  o‘zi  ham 

shijoatu jasoratda otasidan kam emas edi.  

    Abdulloh  ibn  Zubayr  Misr  va  Afrika  mamlakatlaridagi 

ko‘plab  Islomiy  futuhotlarda  qatnashgan.  Afrika  podshohi 

bo‘lgan Jirjirni o‘ldirgan ham Abdulloh ibn Zubayr edi. 

    Damashqda  Yazid  ibn  Muoviya  vafot  etgach  Ibn  Zubayr 

xalifalikni  talab  qildi.  O‘sha  payt  u  Makkada  bo‘lib,  Islomiy 

diyorlarning ko‘p qismi unga bo‘ysunar edi. Lekin Damashqda 

Marvon  ibn  Hakam  ummaviylar  tomonidan  xalifalikka  bay’at 

---

 

 

 

 23  

qilindi.  Xalifa  Marvonning  mulki  kengaya  boshladi.  Uning 

o‘g‘li  Abdulmalik  ibn  Marvon  xalifalik  taxtiga  o‘tirgach, 

Abdulloh  ibn  Zubayrga  qarshi  Hajjoj  ibn  Yusuf  Saqafiy 

boshchiligida  qo‘shin  hozirladi.  Hajjoj  Ibn  Zubayrni  Makkada 

qamal  qilib,  manjaniqlardan  Ka’bani  ura  boshladi.  Hajjoj  ibn 

Zubayrni engib  uni  o‘ldirdi.  Amr ibn  Diynor  Makkiy  shunday 

deydi: 

    –  Abdulloh  ibn  Zubayr  Ka’ba  yonida  namoz  o‘qir  edi. 

Hajjoj  qo‘shinlari  Ka’bani  manjaniqlar  bilan  urar  edi.  Toshlar 

kelib  Abdulloh  ibn  Zubayrning  etaklariga  tegardi.  Unga  bu 

ta’sir qilmasdi va ularga qayrilib ham qaramas edi. 

    Usmon ibn Abu Talha esa: 

    – Abdulloh ibn Zubayrga hech kim uch narsada teng kela 

olmas  edi:  shijoatda,  ibodatda  va  balog‘at  (so‘z  ustaligi)da,  – 

deydi.