Islom ummatining mashhur bahodirlari

21. Tulayha ibn Xuvaylid roziyallohu anhu.  

U musulmonlarning shijoatli, mashhur polvonlaridan bo‘lib, 

uning  quvvati,  shijoat-jasorati  tufayli  bir  o‘zi  ming  suvoriyga 

teng hisoblanar edi.  

    U  “Qodisiya”  jangida  ajoyib  qahramonliklar  ko‘rsatdi. 

Umar  ibn  Xattob  roziyallohu  anhu  Sa’d  ibn  Abi  Vaqqosga 

yordamga ikki  kishini  yubordi.  Ular  Amr  ibn  Ma’di  Yakrib  va 

Tulayha  ibn  Xuvaylid  edilar.  O‘shanda  Umar  ibn  Xattob 

roziyallohu  anhu  Sa’d  ibn  Abi  Vaqqosga  yozgan  xatida 

shunday deb yozgan edi: 

 

    –  Senga  yordam  uchun  ikki  ming  kishini  yuboryapman. 

Ular  Amr  ibn  Ma’di  Yakrib  va  Tulayha  ibn  Xuvaylidlar.  Ular 

bilan jang borasida maslahat qil, lekin ikkisini ham boshliq qilib 

tayinlama! 

---

 

 

 

 21  

    ”Qodisiya”  jangidan  bir  oz  oldin  Tulayha  ibn  Xuvaylid 

katta  jasorat  ko‘rsatgandi.  Tulayha,  Amr  ibn  Ma’di  Yakrib  va 

Qays  ibn  Makshuhlar  forslar  muaskarlarini  razvedka  qilish 

uchun borishdi. Qays bilan Amr har ikkisi ham forslardan besh-

oltitadan  musulmonlar  ma’lumot  olishlari  uchun  tiriklayin 

tutib  kelishdi.  Ammo  Tulayha  ulardan  uzoq  ketib  qoldi.  U 

forslar qarorgohining ichkarisiga kirib borib, bir joyga berkinib 

oldi  va  to  tungacha  poylab  yotdi.  Tunda  u  qarorgoh  boshlig‘i 

Rustamning  bir  qancha  chodirlar  o‘rtasiga  joylashgan  chodiri 

yoniga  keldi.  Bir  payt  qarasa  boshliq  chodiri  oldida  bir 

qimmatbaho asl  ot  bog‘liq turibdi.  U  otning arqonini  kesib  o‘z 

otining  egariga  bog‘lab  oldida,  otlarni  choptirib  musulmonlar 

tomonga  yo‘l  oldi.  Forslar  buni  sezib  qolib  uning  orqasidan 

quvdilar.  Fors  suvoriylaridan  biri  unga  etib  olgan  edi,  uni 

nayza  sanchib  o‘ldirdi  va  uning  otini  ham  qo‘shib  keta 

boshladi.  Ortidan  yana  bir  otliq  quvib  etdi,  uni  ham  o‘ldirib 

otini qo‘shib oldi. Keyin uchinchi otliq etib keldi. Endi Tulayha 

orqaga  qaytib  u  bilan  bir  oz  jang  qildida  uni  taslim  bo‘lishga 

undadi. O‘limiga ko‘zi etgan suvoriy taslim bo‘ldi. Tulayha uni 

asir  olib  Sa’d  ibn  Abi  Vaqqosning  oldiga  olib  keldi. 

Musulmonlar  asirga  tushgan  forslar  sarkardasining  so‘zlarini 

tinglash uchun jamlandilar. Sa’d unga: “Gapir”, – deb buyurdi. 

U musulmonlarga bo‘lgan voqeani so‘zlab berdi: 

    –  Qanchadan  qancha  janglarda  rahbarlik  qildim, 

engilmadim.  Qanchadan  qancha  bahodirlarni  eshitdim, 

ko‘rdim.  Ular  bilan  to‘qnashdim.  Lekin  mana  bu  kishiga 

o‘xshaganini  hech  eshitmagan,  ko‘rmaganman.  U  ikki  katta 

qarorgohdan o‘tib bir qarorgohga borganki, u erga kirishga har 

---

 

 

 

 22  

qanday  bahodir  ham  jur’at  qilolmaydi.  Chunki  uning  atrofida 

etmish ming askar bor. Yana quruq chiqishni o‘ziga ep ko‘rmay 

askarboshining aslzoda otini ham olib chiqdi. Bilib qolib uning 

orqasidan  quvdik.  Unga  ichimizda  eng  mashhur,  bir  o‘zi 

mingta askarga  teng  keladigan  suvoriy  etib  oldi,  bu  odam  uni 

o‘ldirdi.  So‘ng  unga  ikkinchi  suvoriy  etib  oldi,  u  ham  avvalgi 

suvoriydan  kam  emas  edi.  Bu  odam  uni  ham  o‘ldirdi.  Keyin 

men  unga  etib  oldim.  Fors  askarlari  ichida  shijoatu  jur’atda 

menga teng  keladigani  bor, deb  o‘ylamayman.  Uning  qo‘lidan 

omon  qolmasligimga  ko‘zim  etgach,  asir  tushishni  ixtiyor 

qildim. 

    Asir forslar qo‘shini soni bir yuz yigirma ming bo‘lib, yana 

shuncha  yordamchi  va  xodimlar  borligi  xabarini  berdi.  Bu 

sarkarda 

Islomni 

qabul 

qilib, 

musulmonlarga 

go‘zal 

muomalada bo‘ldi.