Иқтисодиёт / Қишлоқ хўжалиги]

транспорт бирлигини очиш далолатномаси — ўсимликлар карантини назоратидаги импорт маҳсулотларининг карантин рухсатномасида белгиланган жойга етиб келганлигини текшириб, транспорт бирлигини очиш ва ўсимликлар карантини текширувидан ўтказиш учун бериладиган ҳужжат;
ўсимликлар карантини — қишлоқ хўжалиги ва бошқа ўсимликлар дунёсига катта иқтисодий зарар етказиши мумкин бўлган ўсимликлар карантинидаги зарарли организмларнинг кириб келиши, тарқалиши ҳамда зарар етказишининг олдини олиш ва уларга қарши кураш чораларини амалга оширишга қаратилган тадбирлар мажмуаси;
ўсимликлар карантини кўриги далолатномаси — транспорт бирлигини очиш далолатномаси берилган ўсимликлар карантини назоратидаги маҳсулотларда ўсимликлар карантиндаги ва бошқа зарарли организмлар мавжуд эмаслигини тасдиқловчи ҳужжат;
ўсимликлар карантини назоратидаги маҳсулотлар — ўсимликлар, уларнинг қисмлари, экиш материаллари, қайта ишлаш маҳсулотлари, ўсимликлар карантинидаги зарарли организмларни олиб ўтувчи бўлиб хизмат қилиши мумкин бўлган маҳсулотлар ва юклар;
ўсимликлар карантини текшируви – ўсимликлар карантини объектларидаги зарарли организмларни ўз вақтида аниқлаш мақсадида ўсимликлар карантини давлат инспектори томонидан ўсимликлар карантини назоратидаги маҳсулотларни сақлаш, қайта ишлаш, сотиш ва қабул қилиш жойларини ҳамда уларга туташ ҳудудларни, қишлоқ хўжалиги учун мўлжалланган, ўрмон фонди ва муҳофаза этиладиган табиий ҳудудлар ерларини текшириш.
3. Ўсимликлар карантини тадбирлари Ўзбекистон Республикасининг «Ўсимликлар карантини тўғрисида»ги Қонуни, ўсимликлар карантини қоидалари, бошқа қонун ҳужжатлари ҳамда фитосанитар талабларга мувофиқ амалга оширилади.
4. Ўсимликлар карантини назоратидаги маҳсулотларни етиштириш, қайта ишлаш, реализация қилиш ҳамда республикага олиб кириш ва унинг ташқарисига олиб чиқиш билан шуғулланувчи юридик ва жисмоний шахслар ўсимликлар карантини профилактика чора-тадбирларини ўз вақтида ва тўлиқ амалга ошириш бўйича масъул ҳисобланади.
5. Ўзбекистон Республикасига олиб кириладиган ва унинг ташқарисига олиб чиқиладиган ўсимликлар карантини назоратидаги маҳсулотлар рўйхати мазкур Низомга 1-иловага мувофиқ белгиланади.