Иқтисодий хавфсизликнинг моҳияти ва миллий хавфсизлик тизимида тутган ўрни

Давлатнинг иқтисодий хавфсизликни таъминлаш бўйича фаолияти қуйидагиларни ўз ичига олади:

• мамлакатнинг ижтимоий-иқтисодий тизими ва давлатнинг барқарорлигига хавф туғдирувчи таҳдидларни, омилларни аниқлаш ва мониторинг қилиш;
• уларнинг зарарли, салбий таъсирига барҳам бериш ёки юмшатишга қаратилган иқтисодий сиёсатни шакллантириш ва институционал ўзгаришларни амалга ошириш.

Иқтисодий хавфсизликни таъминлаш бўйича давлат сиёсатининг йўналишлари:

• ижтимоий институтлар стратегияларини бир-бирларига яқинлаштириш, уларнинг фаолиятларини мувофиқлаштиришга имкон берадиган институционал ўзгаришларни амалга ошириш;
• хўжалик субъектлари учун қонунчиликни максимал унификациялаш (мукаммаллаштириш);
• иқтисодиёт субъектлари ва давлат бошқарув органлари томонидан қонунларга, фаолият тартиб қоидаларига риоя қилинишининг назорат қилиш;

иқтисодий муносабатлар соҳасида вужудга келадиган мунозара ва зиддиятларни ҳал қилиш механизмини яратиш;

• иқтисодий муносабатлар соҳасида вужудга келадиган мунозара ва зиддиятларни ҳал қилиш механизмини яратиш;
• кадрларни корхоналар хўжалик фаолиятини таҳлил қилишнинг ва инвестиция лойиҳаларини баҳолашнинг замонавий усулларига ўқитишни ташкил қилиш;
• жамиятда иқтисодий барқарорликни ошириш ва ижтимоий кескинликнинг ўсишига йўл қўймаслик;
• мамлакат иқтисодий манфаатларини ҳисобга олган ҳолда яқин ва узоқ хорижий мамлакатлар билан иқтисодий, сиёсий муносабатларни ҳар томонлама ривожлантириш.