Iv титриметрик анализ методлари маъруза №5
Download 327.6 Kb. Pdf ko'rish
|
ma\'ruza 5
- Bu sahifa navigatsiya:
- 4.1.Титриметрик анализ методларининг синфланиши.
- 4.1.1. Стандарт эритмалар ва уларни тайёрлаш.
|
IV ТИТРИМЕТРИК АНАЛИЗ МЕТОДЛАРИ Маъруза №5 Талабаларга анализнинг титриметрик методлари, синфланиши ишлатиладиган эритмалар, уларни тайёрлаш ва титриметрияда бевосита ҳам билвосита методларидан фойдаланиш ҳақида маълумотлар берилади. 4.1.Титриметрик анализ методларининг синфланиши. Титриметрик анализ методлари миқдорий анализнинг асосий қисмини ташкил этади. Лекин бу методларда ҳамма реакциялардан фойдаланиб бўлмайди. қўлланиладиган реакциялар маълум талабларга жавоб бериши керак: 1) реакция катта тезлик билан стехиометрик равишда бориши; 2) шлатилаётган реактив фақатгина аниқланаётган модда учун сарф бўлиши, яъни реакция битта тенглама билан бориши; 3) реакция охиригача бориши, яъни деярли қайтмас бўлиши; 4) реакция охирини-эквивалент нуқтани аниқлаш учун индикатор танланган бўлиши керак; 5) Бу талабларга жавоб бермайдиган реакцияларни титриметрик анализда қўллаб бўлмайди. Титриметрик анализда қўлланилаётган реакциянинг турига қараб: 1) кислота - асосли титрлаш методи;, 2) оксидланиш - қайтарилиш методи; 3) комплекс ҳосил қилиш методи; 4) титрлаб чўктириш методларига ажратиш мумкин. Анализ қилинаётган модда таркибидаги номаълум ионнинг, молекуланинг миқдорини топиш учун у билан стехиометрик равишда реакцияга кирадиган иккинчи реактивнинг концентрацияси аниқ маълум бўлиши керак. 4.1.1. Стандарт эритмалар ва уларни тайёрлаш. Концентрацияси аниқ маълум бўлган эритмалар стандарт эритмалар дейилади. Стандарт эритмалар 3 хил усул билан тайёрланади: 1. Аналитик тарозида модданинг миқдорини аниқ тортиб олиб,эритилади ва ўлчов колбасига солиб, сўнгра чизиғигача суюлтириб тайёрлаш. Эритмаси бу усулда таёрланадиган моддалар бирламчи стандартлар дейилади. Бирламчи стандартларга бир неча талаблар қўйилади: 1) кимёвий тоза бўлиши, 2) таркиби формуласига аниқ жавоб бериши, 3) қуруқ ҳолда ва эритмада сақланганда барқарор бўлиши керак. қўйилган талабларнинг бирортаси бажарилмаса,ундай моддадан бирламчи стандарт эритма тайёрлаб бўлмайди. 2. Тарозида тортиб олиб тайёрлаш мумкин бўлмаса, модданинг тахминий эритмаси тайёрланиб,сўнгра у билан тез ва стехиометрик равишда реакцияга кирувчи бирламчи стандарт орқали аниқ концентрацияси топилади. Масалан, NaOH ҳаводан карбонат ангидридни ўзига ютиб, бир қисми Na 2 СО 3 га айланади. Шунинг учун. кимёвий тоза бўлса ҳам ундан стандарт эритма тайёрлаб бўлмайди. Унинг тахминий концентрацияли эритмаси тайёрланиб, бирламчи стандарт, масалан, Н 2 С 2 О 4 2Н 2 О эритмаси орқали аниқланади. Бундай моддалар (яъни NaOH) иккиламчи стандартлар дейилади. 3. Фиксаналлардан тайёрлаш. Реактив сифатида сотиладиган фиксаналлар аниқ ўлчанган каттиқ модда ёки эритма бўлиб,ампулага солиб кавшарланган бўлади. Унинг учлари бироз ботиқрок,девори эса юпқароқ бўлиб, шу еридан тешилади ва ампуладаги модданинг ҳаммаси ўлчов колбасига ўтказилиб, бир неча марта чайиб колбага солинади ва колбанинг чизиғигача суюлтирилса, аниқ концентрацияли эритма ҳосил бўлади. Фиксаналларга модданинг номи ва миқдори ёзиб қўйилган бўлади. Масалан, 0,1 г экв.НСl деб ёзилган ампулаларни олиб, учини синдириб, 1000 мл, 500 мл, 200 мл ўлчов колбаларига солиб бир неча марта чайиб бўлгач, чизиғигача суюлтирсак, колбаларда тегишлича 0,1000 н, 0,2000 н, 0,5000 н стандарт эритма ҳосил бўлади. Одатда бир марта қилинган анализдан тўғри натижа чиқариб бўлмайди. Анализни бир неча марта такрорлаб,ўртачаси олинади. Шунинг учун анализга олинган моддани эритиб, ўлчов колбасига солинади ва буғзидаги чизиққача суюлтириб,яхшилаб аралаштирилади ва ундан аниқ ҳажмда ўлчаб олиб, анализ қилинади. Анализ қилиш учун аниқ ўлчаб олинган ҳажм "аликвот қисм" дейилади. Модданинг номаълум миқдорини топиш учун, эритмадаги аниқланаётган модда билан тез ва стехиометрик равишда реакцияга кирувчи иккинчи бир реагентни эквивалент миқдорда реакцияга киришгунча оз -оздан қўшиб борилади. Бу жараён - бир эритмани иккинчи эритмага аста - секин кўшиб бориш - титрлаш дейилади ва эритмага солинган индикаторнинг ранги ўзгариши билан титрлаш тўхтатилади. Бу нуқта титрлашнинг оҳирги нуқтаси дейилади. Титрлашнинг охирги нуқтаси эквивалент нуқтадан олдин ёки кейин келиши мумкин. Титрометрик ме-тодлар титрлаш усулига қараб қуйидагиларга бўлинади: Download 327.6 Kb. Do'stlaringiz bilan baham: 
|