Izlew hám xeshlaw algoritmler. Izlew algoritmler: Sızıqlı algoritm, ta’rtiplengen nawbetler, binar izlew. Xesh tablica hám xesh funksiyalar. Xesh funksiyalarg’a misal. Reje

Izlew hám xeshlaw algoritmler. Izlew algoritmler: Sızıqlı algoritm, ta’rtiplengen nawbetler, binar izlew. Xesh tablica hám xesh funksiyalar. Xesh funksiyalarg’a misal.
REJE:
1. Izlew túsinigi.
2. Izbe-iz izlew.
3. Indeksli izbe-iz izlew.
4. Izlew algoritmleriniń όnimdarlıǵı.
5. Izlewdi quramalastırıw usılları.
6. Quramalı izlew teregi.
7. Binar izlew (teń ekige bόlıw usılı)
8. Giltlerdi sáwlelendiriw.
9. Sáwlelendiriw funksiyasın tańlaw.
10. Kelispewshilikti sheshiw algoritmleri
Gilt sόzler: izlew, keste, fayl, gilt, ekilemshi gilt, sırtqı gilt, ishki gilt, izbe – iz izlew, indeksli izbe – iz izlew, izlew όnimdarlıǵı, kesteni qayta tártiplew, transpozisiya, binary izlew, qurámelı terek, xeshlaw, xesh funkciyası, xesh algoritm, kelispewsholiklerti sheshiw algoritmleri.
1. Izlew túsinigi
Kompyuterde maǵluwmatlardı qayta islewde izlew tiykarǵı ámellerden biri bolıp esaplanadı. Onıń wazıypası berilgen argument boyınsha massiv
maǵluwmatları ishinen sol argumentge sáykes maǵluwmatlardı tabıwdan ibarat.
Qálegen maǵluwmatlar kόpligi keste yamasa fayl dep ataladı. Qálegen maǵluwmat (yamasa dúzilme elementi) basqa maǵluwmattan qandayda bir belgisi arqalı parq qıladı. Sol belgi gilt dep ataladı. Gilt kemnen-kem ushrasıwı, yaǵniy sol giltke iye maǵluwmat kestede jalǵız bolıwı múmkin. Bunday kemnen-kem ushrasatuǵın όzgeshe giltge baslanǵısh (birinshi) gilt delinedi. Ekinshi gilt bir kestede qaytalansada ol arqalı da izlewdi ámelge asırıw múmkin. Maǵluwmatlar giltin bir jerge jıynaw (basqa kestege) yamasa jazıw sıpatında ańlatıp bir maydanǵa giltlerdi jazıw múmkin. Eger giltler maǵluwmatlar kestesinen ajratıp alınıp bόlek fayl sıpatında saqlansa, onda bunday giltler sırtqı giltler delinedi. Keri jaǵdayda bolsa, yaǵniy jazıwdıń bir maydanı sıpatında kestede saqlansa ishki gilt delinedi. Giltti berilgen argument penen sáykesligin anıqlawshı algoritmge berilgen argument boyınsha izlew dep ataladı. Ízlew algoritminiń wazıypası kerekli maǵluwmattı kestede tabıw yamasa joq ekenligin anıqlawdan ibarat. Eger kerekli maǵluwmat joq bolsa, onda eki jumıstı ámelge asırıw múmkin:

1. 
   maǵluwmat joqlıǵın indikaciya (belgilew) qılıw.
   
2. 
   kestege maǵluwmattı qoyıw.
   

Meyli, k – giltler massivi bolsın. Hár bir k(i) ushın r(i) – maǵluwmat bar.
Key – izlew argumenti. Oǵan rec - informasion jazıw sáykes qoyıladı.
Kestedegi maǵluwmatlardıń dúzilmesine qarap izlewdiń bir neshe túrleri bar.