J uldızlar Mine, búgin boldı aqsham, Juldızlarǵa toldı aspan, Jarqıraydı kóz aldımda, Olar maǵan berer ilham. Qolım jetpes-alıstasız, Tańda qayda asıǵasız, Ketpey turıń, hey gózzallar, Maǵan qosıq jazdırasız! Ustaz

J uldızlar
Mine, búgin boldı aqsham,
Juldızlarǵa toldı aspan,
Jarqıraydı kóz aldımda,
Olar maǵan berer ilham.
Qolım jetpes-alıstasız,
Tańda qayda asıǵasız,
Ketpey turıń, hey gózzallar,
Maǵan qosıq jazdırasız!
Ustaz
Qollarında kitabı,
Mektepke asıǵadı,
Waqıtları qádirli,
Ádiwli ustazlardıń!

Bilim berip sharshamas,

Bilmegenshe tınshımas,
Kewilleri nur quyash,
Ádiwli ustazlardıń!

Muratbaeva Aysulıw 7-sinf o‘quvchisi
Ó mir-gózzal!
Ómir-gózzal, kóp jollardan óterseń,
Jaqsılıq, jamanlıq, sabır, qanaat...
Ómirdi mazmunlı súreyin deseń,
Miynetkesh bol- tabıladı ráhát.

Bul ómirde baxıtlınıń biri- men,

Altın, gáwhar taslarınıń dúrimen,
Ómir- seni súyip qaldım sonshelli,
Aydın keleshekke qaray júremen.

Dúnyanıń isleri- qızıq, tawsılmas,

Qıyınshılıqtan qorqpa, mudam alǵa bas,
Tek ózińde bolsa kúshli isenim,
Ómir sınaqları hárgiz jeńalmas .

Sabırlı bolıwdı úyreter olar,

Ómirim mazmunı- jánnet anam bar,
Jeńermen hárqanday ómir sınawın,
Sebebi, súyener asqar tawım bar.


Reypnazarova Gózzal
9-sinf o‘quvchisi

K ewil muzlasa
Lavalar eritpes kewil muzlasa,
Qıynaydı azabı jarań qozǵalsa,
Ómirden heshqashan kewliń tolmasa,
Adam dep bilmesseń ózińdi hasla.

Dártińe sherigiń kóz jasıń bolar,

Tıńlaydı, kim seniń janıńdı alar,
Sonshama qıynalıp júrgeniń bolar,
Janıńdı jabbarǵa bermeseń bunsha.

Ómir salǵan soqpaqlardı baspasań,

Asqar-asqar tawlardan sen aspasań,
Kúlip-oynap baxıttan hesh taspasań,
Ózińdi insan dep bilmesseń hasla!
Biz jaslar
Jaratılıp imkaniyatlar jaslarǵa,
Keleshekke nıq qádemdi taslawǵa,
Jurtbasshımız isenimin aqlawda,
Izleniwden toqtamaymız-biz jaslar!

Kóteremiz bayraǵıńdı kóklerge,

Ata jurtım atıń jańlar ellerde,
Elbasshımız qanat bolıp bizlerge,
Izleniwden toqtamaymız-biz jaslar.

Ádebiyat, sport basqa tarawlar,

Qızıǵadı ana watan jasları,
Berilmekte kóp imkaniyatlar,
Dúnyaǵa tanıtıwda Ózbekstandı!
Ustaz
Atańday ullıdur, ol insan-Ustaz,
Bilim baǵlarınıń baǵmanı-Ustaz,
Aydın keleshekti qurıwshı-Ustaz,
Keleshek zamannıń dáwranı-Ustaz.

Bilimnen saraylar qurıp pitkergen,

Bar bilimin shákirtine jetkergen,
Bizden tárbiyasin ayamay kelgen,
Jaqsı sóz zergeri ózińseń-Ustaz.

Jıllar óteberer- Ustaz ózgermes,

Sizdi táriyplewge mudam sóz jetpes,
Oqıwshılar menen bolasız tilles,
Baxıt tańlarınıń quyashı-Ustaz!