«jahon tarixi va manbashunoslik»

Xo`jayli — XII — XIII asrlarda barpo qilingan. Xo`jayli so`zining leksik mazmuni xo`jarlar, ya`ni katta er egasi bo`lgan kishilar ma`nosidadir. Xo`jayli so`zini xo`ja eli degan xalq nomidan olingan, deb ta`riflaydi sharqshunos olim B. A. Ahmedov.

Mo`ynoq — Orol dengizi janubidagi yarim orol, shahar. Mo`yin (bo`yin), oq aslida — ak — «kichik» so`zlaridan yasalib, «kichik bo`yin», «bo`yincha», «yarim orol» ma`nosida.

Tuyamo`yin — Amudaryo quyi oqimidagi joy. Sirtdan qaraganda «tuya bo`yini» dek tuyuladi. Aslida tog`, daryo va qumlik joylarning tor qismini — yo`lagini «Tuyamo`yin» deb atashgan. Tuyaning qing`ir va tor bo`yniga o`xshatilgan bo`lsa ajab emas.

To`rtko`l — Qoraqalpog`iston jumhuriyatining janubidagi shahar. SHaharning yaqin yillarga qadar to`rt tomoni ko`l bo`lgan. SHuning uchun ham shunday nom berilgan. Hozir ham To`rtko`lligicha saqlanib kelmoqda.

Aziz kitobxon! Xar viloyatning jamoa xo`jaliklari, ovul, tuman, shaharlar nomlarining o`ziga xos tarixi bor. Ilmiy jihatdan o`rganilib sizlarga aytilgan bu toponimlar, Xorazm viloyatidagi umumiy joy nomlarining faqat bir qismi ekanligini o`qituvchi tushuntirishi lozim.

6. Farg`ona vodiysidagi qishloq, shahar nomlarining kelib chiqish tarixini dars jatumanida o`rganish

Ozbekiston tarixi kursidagi «Turkiston xalqlarining 1918—1920 yillarda milliy ozodlik va erk uchun kurashlari» deb nomlangan mavzuda toponimik materiallardan foydalanib o`tiladigan bir soatlik darsning namunaviy reja-konspektini keltiramiz.