Jahon tarixida II respublika ilmiy-nazariy konferensiya materiallari

267
 
Amir Temur jahon tarixida 
ko‘rgan Amir Temur Boyazid taklifiga o‘zini rozi bo‘lgandek ko‘rsatgan. Buni 
amaliy ifodasi sifatida o‘z qo‘shini bilan Gurjistonga borgan.
Amir Temur bu yerda ov qilish bahonasida Boyazidga qarshi qo‘shinni 
shakllantirishga harakat qilgan. Shu orada Samarqanddan Muhammad Sulton 
boshchiligidagi saralangan qo‘shin ham yetib kelgan. Yetarlicha qo‘shinni 
jamlagan Amir Temur Boyazidga qarshi harbiy harakatni boshlagan.
Amir Temur Boyazidning harbiy ishda mohirligi haqida juda ko‘plab 
ma’lumotlarga ega bo‘lgan. Shuning uchun unga ittifoqchilar zarur edi. Bunday 
ittifoqchi sifatida dastlab Vizantiya, keyinroq esa Genuya va Venetsiya davlatlari 
maydonga chiqqan. Amir Temur Boyazidga qarshi suv yo‘li orqali yordam zarur 
bo‘lgan. Bu vazifani Genuya, Vizantiya va Venetsiya o‘z zimmasiga olishgan 
[9:171].
Amir Temur qabulidan qaytgan elchilar ittifoq shartlarini bajarishga 
kirishgan. Buning amaliy ifodasi sifatida Pera shahri minoralarida Amir Temur 
bayrog‘i hilpiray boshlagan. Kichik Osiyo sari harakatlanar ekan qo‘shin Sivos 
cho‘liga kelganda to‘xtagan. Amir Temur bu yerda o‘z qo‘shinini jang oldi 
ko‘rigini o‘tkazgan. Har safargidek Sohibqiron ikki rakat namozini o‘qib yana 
yo‘lda davom etgan. Amir Temur katta qo‘shin bilan kelayotganini bilgan Boyazid 
jang qilishga tayyorgarlik ko‘ra boshlagan. U turli hududlardagi o‘z vassallaridan 
qo‘shin yuborishni so‘ragan. Hatto o‘zining ittifoqchisi bo‘lgan Misr hukmdori 
Farajga ham elchi yuborib, birgalikda harakat qilishga chaqirgan. Lekin Suriyadagi 
voqealardan keyin xavotirga tushib qolgan Sulton Faraj bu chorlovga javob 
qaytarmagan.
Ikki taraf ham urushga tayyorgarlik ko‘rgandan so‘ng harakatni boshlagan. 
Amir Temur charchab kelgan turk qo‘shinlarini holdan toydirish maqsadida bir 
qancha tadbirlarni amalga oshirgan. Natijada turk qo‘shini anchagina toliqqanligini 
ko‘rgan Sohibqiron vaziyatni qo‘ldan bermaslik uchun jang boshlashga buyruq 
bergan. Amir Temur va Boyazid o‘rtasidagi Anqara yaqinida bo‘lib o‘tgan jangga 
Iaon Grinlo asarida alohida to‘xtalib o‘tgan. U ikki sarkarda o‘rtasida bo‘lib o‘tgan 

---