Jahonning regional tavsifi

Aholisi (kishi)	YaIM (mln $)
Aholi jon boshiga YaIM ($)
1	Papua-Yangi Gvineya	462840	9122994	23590	2691
2	Yangi Zelandiya	268680	4882949	21100	39870
3	Solomon orollari	40400	704000	1570	2661
4	Fiji	18274	906377	4380	4717
5	Yangi Kaledoniya	18519	290000	10000	38896
6	Vanuatu	12190	292680	930	3118
7	Samoa	3030	202000	850	6516
8	Kiribati	812,34	122881	200	2291
9	Tonga	748	106000	510	6378
10	Mikroneziya	702	104000	402	3928

Manba: “Worldometers” tashkiloti ma’lumotlari, 2022.
Okeaniyaning tarkibiy tuzilishi
Okeaniya tarkibiy jihatdan Mikroneziya, Melaneziya va Polineziyadan tashkil topadi. Federativ davlatlar: Avstraliya Ittifoqi, Mikroneziya Federativ Shtatlari.
Monarxiya davlatlar: Tongo, Samoa. Mustamlaka hududlar: Ame-rika Samoasi, Guam, Miduey, Ueyk, Kingmen rifi (AQSh), Pitkern (Buyuk Britaniya), Norfolk, Rojdestvo, Kokos, Ash-mor va Karte orollari (Avstra-liya), Fransuz Polineziyasi, Yangi Kaledoniya (Fransiya).
Polineziya tarkibiga kiruvchi davlatlar: 5 ta mustaqil davlat,9 ta AQSh hududi,3 ta Yangi Zellandiya,2 ta Fransiya, 1 tadan Buyuk Britaniya va Chiliga tegishli hududlar bor.
Mikroneziya tarkibiga kiruvchi davlatlar: 4 ta mustaqil davlat,2 ta AQSh hududi,1 ta Kiribati hududi mavjud.
Melaneziya tarkibiga kiruvchi davlatlar: 5 ta davlat mavjud.


AMERIKA
Amerikaning zamonaviy siyosiy xaritasida 35 ta mustaqil davlat mavjud (149-a, 149-b-rasmlar). Ular o‘z hududiy kattaligi jihatidan bir-biridan keskin farq qiladi. Qit’adagi 4 ta mamlakat dunyoning 10 ta eng yirik davlatlari qatoridan joy olgan — Kanada, AQSH, Braziliya va Argentina. Ulardan tashqari, Boliviya, Kolumbiya, Peru va Meksikaning maydoni 1 mln km2 dan oshadi. Venesuela va Chili davlatlarining hududi esa 500 ming km2 dan ortiq. Shu bilan birga, Amerikadagi 7 ta davlat maydoni 1 ming km2 dan kam. Ularning barchasi Karib dengizidagi orollarda joylashgan. Qit’ada faqatgina 2 ta davlat — Boliviya va Paragvay dengizga chiqish imkoniyatiga ega emas. Meksika, Gvatemala, Gonduras, Nikaragua, Kosta-Rika, Panama va Kolumbiya qirg‘oqlari ikkita, ya’ni Atlantika va Tinch okean suvlari bilan yuviladi. AQSH va Kanada esa uchta — Atlantika, Tinch va Shimoliy Muz okeanlariga chegaradosh. Karib dengizi va Atlantika okeanining unga tutash qismida jami 13 ta orol davlatlar joylashgan (150-rasm). Ulardan maydoni jihatidan eng kattasi Kubadir. Amerikadagi 35 ta davlatdan 26 tasi respublika, 9 tasi Britaniya Hamdo‘stligi qirolliklari, ya’ni konstitutsion monarxiyalar hisoblanadi. Konstitutsion monarxiyalardan 2 tasi — Kanada va Beliz Shimoliy Amerika materigida joylashgan bo‘lsa, qolgan 7 tasi Karib dengizidagi orol mamlakatlardir.
Amerikada 7 ta federativ davlat joylashgan — AQSH, Argentina, Braziliya, Kanada, Meksika, Venesuela hamda Sent Kits va Nevis. Sent Kits va Nevis davlati 2 ta mayda oroldan iborat bo‘lib, Amerika qit’asidagi eng kichik davlat, shuningdek, jahondagi eng kichik federativ davlat hisoblanadi.