Joba: O`zbekstan Respublikası agrar siyasatı

O‘ziju’rer traktor shassisi - universal-chopiq traktorının’ arnawlı tu’ri bolıp, onın’ aldındıg’ı ramasına mashina ha’m qurallar artılıwı mu’mkin, ma’selen Xarkov traktor zavodında shıg’arılıp atırg’an T-16M traktorı.

Ju’ris bo’limi tu’ri boyınsha – do’n’gelekli ha’m shınjırlı traktorlar.

Do’n’gelekli traktorlar «do’n’gelek formulası» boyınsha da xarakterlenedi, bo’liniwdin’ birinshi sanı onın’ ulıwma do’n’gelekler sanın, ekinshi sanı bolsa sonın’ ishinde neshewi jetekshiligin ko’rsetedi, aqırg’ı ha’rip bolsa jetekshi yamasa jetekleniwshi do’n’geleklerdin’ o’lshemlerindegi ayırmashılıqtı bildiredi. Ma’selen a’piwayı traktordın’ aldın’g’ı do’n’gelekleri jetekleniwshi bolıp, olardın’ o’lshemleri artqı do’n’geleklerge salıstırg’anda kishi etip islenedi (MT3-80, TTZ-80, TTZ-60, T28X4MC) ha’m to’mendegishe belgilenedi: 4K2. Eger do’n’gelekleri usınday o’lshemde tayarlanıp aldın’g’ı do’n’gelekleri de jetekshi bolsa bunday traktorlar 4K4a etip belgilenedi (MT3-82, TTZ-82, T-40A).

Eger traktordın’ barlıq do’n’gelekleri jetekshi bolıwı menen birge o’lshemleri de ten’ bolsa, bul markadag’ı traktorlardın’ belgileniwi 4K4b ko’rinisinde boladı (T-150K, K-701). Ayırım sanaat yamasa tog’ay xojalıg’ında isletiletug’ın do’n’gelekli traktorlarda ulıwma ha’m jetekshi do’n’gelekler sanı ko’birek bolıwı mu’mkin (6K6b, 8K6b, 8K8b). Nominal tartıw ku’shi boyınsha awıl xojalıq traktorları 10 klassqa bo’linedi (1.1-tablica).

1.1-tablica.