Joba: Sıpat túsinigi. Ta’lim iskerligin joybarlaw sıpatı

47-maqset: 2026-jılǵa shekem 10 potencialı joqarı mákemeni QS hám THE xalıqaralıq reytinglerine kiriwge maqsetli tayarlaw.
Joqarı bilimlendiriw mákemeleriniń QS hám THE xalıqaralıq reytinglerine kiriwi ushın maqsetli baǵdarlamanı islep shıǵıw.
10 potencialı joqarı bilimlendiriw mákemesin tańlaw.
Potencialı hám ózine tán ózgeshelikten kelip shıǵıp, xalıqaralıq reytinglerge kiritiw boyınsha 5 jılǵa mólsherlengen maqsetli bapdarlamalardı islep shıǵıw hám tastıyıqlaw.
48-maqset: Derlik 100 mıń orınlı talabalar turar jayların qurıw.
Talabalar turar jayların mámleketlik-jeke sheriklik tiykarında qurıwda joybarlardı qarjılandırıwdıń maqul túsetuǵın usılların jolǵa qoyıw.
2022-jılda 18 800 orınlı 47 talabalar turar jayların qurıw.
2026-jılda shekem 72 400 orınlı 181 talabalar turar jayların qurıw nátiyjesinde talabalardı jataqxana menen támiyinlew dárejesin 60 payızdan asırıw.
49-maqset: 2026-jılǵa shekem mámleketlikemes joqarı bilimlendiriw shólkemleri sanın keminde 50 ge jetkeriw.
2022-jılda Nawayı, Samarqand, Surxandarya, Qashqadarya walayatları hám Tashkent qalasında keminde 1 den mámleketlikemes joqarń bilimlendiriw mákemesin shólkemlestiriw arqalı olardıń jámi sanın 34 jetkeriw.
Qaraqalpaqstan Respublikasında 5 ataqlı jergilikli hám shet el joqarı oqıw orınlarınıń filialların hámde Tashkent walayatında 5 mıń talabaǵa mólsherlengen Nurafshan mámleketlik universitetin shólkemlestiriw.
Andijan walayatında 4 jeke joqarı oqıw ornın shólkemlestiriw. Nátiyjede aymaqtaǵı jaslardı joqarı bilimlendiriw menen qamtıp alıwın 23 payızdan 50 payızǵa jetkeriw.
Namangan kelesi 5 jılda 7 joqarı oqıw ornın shólkemlestirip, jámi joqarı oqıw orınları sanın 10 ǵa jetkeriw.
Samarqand qalasında 20 mıń talabaǵa mólsherlengen «Jaslar qalashasın» qurıp, onda keminde 4 shet el universitetiniń filial hám kampusların jaylastırıw. Shet el mámleketleriniń jetekshi texnika universiteti menen birgelikte Samarqand texnologiya universitetin shólkemlestiriw.
2026-jılǵa shekem respublika aymaqlarında keminde 1 mámleketlikemes joqarı bilimelendiriw shólkemlerin shólkemlestiriw arqalı olardıń sanın 50 jetkeriw.
50-maqset: «El-yurt umidi» fondı arqalı erkin hám dóretiwshilik pikirleytuǵın jaslardı ataqlı shet el joqarı oqıw orınlarına oqıwǵa jiberiw kólemin 2 esege asırıw, bunda jaslardıń 50 payızın texnikalıq, anıq pánler hám IT tarawlarına oqıtıw.
Shet el mámleketleriniń eń ataqlı universitetlerinde bakalavriat, magistratura hám doktoranturada bilim alıw ushın ashıq saralaw tańlawların ótkeriw.
Shet el joqarı bilimlendiriw mákemeleriniń bakalavriat, magistratura hám doktorantura oqıtıw baǵdarlarında qatnasıw maqsetinde Fond tárepinen ashıq tańlaw járiyalaw hám ótkeriw.