Jobası: Kirisiw. Tiykarǵı bólim

2)Efferent motor afaziya
Bunda sóylew zonalarınıń kinetik quramı buzıladı. Nawqas sóylew waqıtında bir sózden ekinshi sózge óte almay, dáslepki sózde toqtap qaladı. Demek, efferent motor afaziyada birinshi artikulyator háreketten ekinshisine ótiwi buzıladıbhám nátiyjede sóylew perseveraciyaları buzılıp, zıyanlanadı. Bul afaziyanıń túrinde nawqas birden baslap 10ǵa deyin qaray erkin sanay aladı, biraq izine qarap yáǵniy onnan birge deyin sanay almaydı. Bul qásiyetler bolsa efferent motor afaziyanıń tiykarǵı belgileri bolıp tabıladı.

3)Dinamik afaziya
Sóylew zonalarınıń buzılıwınıń bul túri 1934-jılı K.Kleyst tárepinen úyrenilgen. Alım onı sóylewdiń jetispewshiligi dep ataǵan. Al basqa alımlar bolsa dinamik afaziyanı “sóylew akinezası” dep ataǵan. Dinamik afaziyanıń belgisi sonnan ibarat, onda sóylew yadı, artikulyaciyalıq hám fonematik esitiw saqlanıp qaladı. Nawqas sóz, gáp hám zatlardıń atamasın jaqsı tákirarlaydı. Dinamik afaziyada oqıw hám jazıw buzılmaydı.

4)Sensor afaziya (SA)
Sensor afaziyada fonematikalıq esitiw jaǵdayı buzıladı, yáǵniy sózlerdiń fonamalıq quramın parıqlaw qábileti zıyanlanadı. Sensor afaziyanıń tiykarǵı ayanıshlı jeri bul – sóylewdi, sóylew procesin túsinbewshilik. Bunda nawqas birewdiń sóylegenine de, óziniń sóylegenine de túsinbeydi. Awızeki sóylewde literal parafaziyalar kóbeyip ketedi, yáǵniy nawqas sóylew waqıtında bir sózdiń ornına basqa sózdi aytıp jiberiw jaǵdayları júzege keledi. Sensor afaziyada nawqas óz pikirin hár túrli mimikalıq háreketler arqalı túsindiriwge háreket etedi. Eger usı sensor afaziya kúshli túrde rawajlanıp úlgergen bolsa, nawqas hátte bir háripti de, sózdi de tákirarlay almaydı. Bunda zatlardıń atı, adam atları da buzılıp aytıladı. Nawqas zat hám qubılıslardıń atamasın bilse de, sózdiń kerekli bolǵan fonetikalıq dúzilisin taba almaydı. Biraq olar sózlerdi tákirarlaw ushın, zatlar hám qubılıslardıń atamasın aytıw ushın kóp háreket etedi. Jáne sonday jaádaylar da boladı, nawqastıń sóylegenine, aytqan sózlerine túsinbese de kóp sóyleytuǵın bolıp qaladı. Olar intonaciyaǵa bay boladı. Sensor afaziyada jazıw hám oqıw buzıladı.