Joqarı oqıw orınlarında qánigelik pánlerden óz betinshe oqıtıwdı shólkemlestiriwdiń mazmunı

Referat tayarlaw. Talabaǵa qıyınshılıq dárejesi onıń jeke imkaniyatları, qábileti hám bilim dárejesine muwapıq bolǵan qandayda bir tema boyınsha referat tayarlaw tapsırıladı. Bunda talaba tiykarǵı ádebiyatlardan tısqarı qosımsha ádebiyatlardan (monografiyalar, ilimiy stilistiklik maqalalar, internetten alınǵan maǵlıwmatlar, elektron kitapxana materialları hám t.b. ) paydalanıp materiallar toplaydı, analiz etedi, sistemaǵa saladı hám tema boyınsha múmkinshilik dárejesinde tolıq, keń maǵlıwmat jeriwge háreket etedi. Zárúr jaǵdaylarda oqıtıwshıdan máslahát hám kórsetpeler aladı. Juwmaqlanǵan referat kafedrada ekspertler qatnasıwında qorǵaladı.
Kórgezbeli qurallar tayarlaw. Talabaǵa arnawlı bir temanı aytıp beriw hám jaqsı ózlestiriw ushın járdem beretuǵın kórgezbeli materiallar (kesteler, sızılmalar, súwretler, háreketler, maketlar, modeller, grafiklar, úlgiler hám t.b. ) tayarlaw tapsırıladı. Tema oqıtıwshı tárepinen anıqlanıp, talabaǵa belgili kórsetpeler, jol-jobalar beriledi. Kórgezbeli qurallardıń muǵdarı, forması hám mazmunı talaba tárepinen erkin túrde saylanadı. Bunday wazıypanı bir tema boyınsha bir neshe talabaǵa tapsırıw da múmkin.
Tema boyınsha testler, tartıslı sorawlar hám tapsırmalar tayarlaw. Talabaǵa arnawlı bir tema boyınsha testler, qıyınshılıq dárejesi hár túrlı bolǵan máseleler hám tapsırmalar, tartısqa tiykar bolatuǵın sorawlar dúziw tapsırıladı.
Ilimiy maqala, tezisler hám lekciyalar tayarlaw. Talabaǵa qandayda bir tema boyınsha (temanı talabanıń ózi tańlawı da múmkin) ilimiy (referativ) xarakterde maqala, tezis yamasa lekciya tayarlaw tapsırılıwı múmkin. Bunda talaba oqıw ádebiyatları, ilimiy - izertlew jumısları, dissertatsiyalar, maqala hám monografiyalar hám de taǵı basqa informaciya materiallarınan temaǵa tiyisli maǵlıwmatlar toplaydı, analiz etedi, zárúrlerin ajıratıp alıp, tártipke saladı, jeke tájiriybesi hám bilimi, ilimiy nátiyjelerine tiykarlanǵan halda qosımshalar, túsindirmeler kiritedi, óziniń kóz-qarasın aytadı hám tiykarlaydı. Bunda talaba oqıtıwshı menen birgelikte isleydi. Tayarlanǵan maqala, tezis yamasa lekciya kafedrada qorǵawın etedi.
Talaba ózbetinshe jumısın nátiyjeli shólkemlestiriwde:
- sistemalı jaqınlaw ;
- barlıq basqıshların muwapıqlastırıw hám maslastırıw ;
- atqarılıwı ústinen qatań qadaǵalaw ornatıw ;
- shólkemlestiriw hám baqlaw mexanizmin rawajlanıwlashtirib barıw zárúr.
Joqarıda keltirilgen óz betinshe oqıtıwdi shólkemlestiriw hám alıp barıw boyınsha talaplardı talabalardıń aldına wazıypa etip qoysaq, biz óz betinshe oqıtıwda gózlegen nátiyjege erisiwimizge isenimimiz kámil.