Katta qon aylanish doirasi arteriyalari. Bosh arteriyasi

70-rasm. Ko‘krak bo‘shlig‘i organlari (chap tomondan ko‘rinishi): 1 – yarim qirrali muskul; 2 – bo‘yinning ko‘ndalang arteriya va venasi; 3 – yuza fassiyaning yuza varaqchasi; 4 – rombsimon muskul; 5 – oldingi qovurg‘alararo arteriya; 6 – ko‘krak limfa yo‘li; 7 – aorta yoyi; 8 – chap qaytuvchi nerv; 9 – simpatik stvol; 10 – orqa tomon oraliq limfa tugunlari; 11 – qovurg‘alararo arteriya va venalar; 12 – ko‘krak aortasi; 13 – o‘ng o‘pkaning orqa bo‘lagi; 14 – adashgan nervning yuqori qizilo‘ngach tarmog‘i; 15 – qizilo‘ngach; 16 – adashgan nervning pastki qizilo‘ngach tarmog‘i; 17, 20 – chap diafragma nervi; 18 – pay markazi; 19 – diafragmaning qovurg‘a qismi; 21 – qovurg‘alararo muskullar; 22 – o‘pkaning qo‘shimcha bo‘lagi; 23 – kekirdak bifurkatsiyasi; 24 – o‘pka venalari; 25 – chap qorincha; 26 – o‘pka arteriyasi; 27 – o‘ng qorincha; 28 – elka-bosh tomiri; 29 – oldingi kovak vena; 30 – o‘pkaning o‘ng oldingi bo‘lagi; 31 – ichki ko‘krak arteriya va venasi; 32 – chap o‘mrov osti arteriya; 33 – qo‘ltiq osti arteriya va venalari; 34 – elkaning teri osti venasi; 35 – adashgan nerv; 36 – bo‘yinturuq vena; 37 – kekirdak; 38 – umurtqalar arteriya va venalari; 39 – o‘ng qovurg‘alarning narvonsimon muskuli; 40 – bo‘yinning orqa miya nervlarini pastki shoxchalari; 41 – bo‘yin-ko‘krak (yulduzsimon) tugun; 42 – bo‘yinning chuqur arteriya va venalari; 43 – bo‘yinning uzun muskuli; 44 – plastrsimon muskul.
Hayvonlardagi farq qiluvchi xususiyatlari. Otda – jag‘ning ichki arteriyasidan quyidagi tarmoqlar: pastki jag‘ tish, qanotsimon, eshitish nayi, miyaning o‘rta pardasi, chakkaning chuqur aboral, chakkaning chuqur oral, ko‘zning tashqi, lunj, ko‘z osti, kichik tanglay, ponasimon-tanglay, katta tanglay arteriyalari ajraladi. Cho‘chqada – jag‘ning ichki arteriyasidan pastki jag‘ tishlar, miya pardasini o‘rta arteriyasi, qanotsimon, chakkaning chuqur, lunj, ko‘zning tashqi, ponasimon-tanglay va tanglayning katta arteriyalari ajraladi. Itda – jag‘ning ichki arteriyasidan quyidagi tarmoqlar: pastki jag‘ tish, chakkaning chuqur, miya pardasining o‘rta, ko‘zning tashqi, lunj, ko‘z osti, tanglayning kichik, ponasimon-tanglay va katta tanglay arteriyalari ajraladi.