Kechagidek esimda- kichik yoshda edik biz

BOGʻCHA
Kechagidek esimda–
Kichik yoshda edik biz,
Bogʻcha tomon kelgandik,
Murgʻak koʻngil, oʻgʻil-qiz.

Ustozimiz–mehribon,

Bizni kutib oldilar.
Tanitib yeru osmon,
Toʻgʻri yoʻlga soldilar,

Oʻrgandik bunda sanash,

Ham oʻyin, ham bilimni,
Bogʻchadagi sheʼr, qoʻshiq,
Burro qildi tilimni.

O'rtoqlarim bilan biz,

Oʻynardik berkinmachoq.
Bogʻcha opamiz kulib,
Ochardi bizga quchoq.

Kundan-kunga zehnimiz,

Tiniqlashdi, charxlandi.
Bunda murabbiylarning,
Sabrlari sarflandi.

Tanib oldik raqamni,

Hisoblashni oʻrgandik.
Qoʻshib biz harflarni,
Soʻz yasashni oʻrgandik.

Chiqdi had-savodimiz,

Endi maktabga olgʻa.
Bogʻchadan ustozimiz,
Kuzatar katta yoʻlga.

Hayr, qadrdon bogʻcha,

Hayr sizga ustozim.
Boshlar yerga tekkuncha–
Sizga qilamiz tazim.

Bizlarni ulgʻaytirding,

Xotirda boʻl har qachon.
Bizni ham eslab turgin,
Bogʻcha opa, bogʻchajon!

Bizlar orzuga toʻla,

Ozod va shod bolamiz.
Katta boʻlsak, albatta.
Yurtga tirgak boʻlam.