“Kibersport” musobaqasini tashkil etish va o‘tkazish

“Kibersport” musobaqasini tashkil etish va o‘tkazish

NIZOMI

I. Umumiy qoidalar

1. 
   Mazkur Nizom “Kibersport” musobaqasi (keyingi o‘rinlarda – musobaqa)ni tashkil etish va o‘tkazish tartibini belgilaydi.
   
2. 
   Musobaqani yuqori saviyada tashkil etish uchun Buxoro davlat universiteti yoshlar ittifoqi boshlang‘ich tashkiloti mas’ul etib belgilanadi.
   

II. Musobaqani tashkil etish maqsad va vazifalari

3. 
   Musobaqani o‘tkazishdan asosiy maqsad – mahalladagi yoshlarni bo‘sh vaqtini mazmunli tashkil etish va ular o‘rtasida elektron sport turlari bo‘yicha musoboqa o‘tkazish orqali professional kibersportchilarni kashf qilish.
   
4. 
   Musobaqani o‘tkazishning asosiy vazifalari quyidagilar hisoblanadi: yoshlarning elektron kompyuter sporti turlari bilan muntazam shug‘ullanishi uchun zamon talablariga mos shart-sharoitlar yoshlarining aqliy hamda idoraviy faolligini oshirish;
   
5. 
   Yoshlari o‘rtasida zararli odatlardan voz kechish, kasallikka chalinishni oldini olish, ortiqcha vazn holatlari kamaytirish;
   
6. 
   Aqliy va ommaviy sport bilan muntazam shug‘ullanish borasida yaratilgan sharoitlardan samarali foydalanish natijadorligini oshirish;
   
7. 
   musoboqa orqali yoshlarning o‘z irodasi, kuchi va imkoniyatlariga bo‘lgan ishonchni mustahkamlash.
   

III. Musoboqaga rahbarlik qilish

8. 
   Musobaqaga bevosita rahbarlik qilish Hakamlar hay’ati zimmasiga yuklatiladi.
   

IV. Musobaqada ishtirok etish tartibi

9. 
   Musobaqada universitet talabalari ishtirok etishlari mumkin.
   
10. 
    Musoboqada universitet talaba-yoshlaridan tuzilgan havoskor yoki professional jamoa hamda kibersportchilar ishtirok etadi.
    
11. 
    Musobaqada sog‘lig‘ida tibbiy nuqsonlari bo‘lmagan yoshlar ishtirok etadi.
    
12. 
    Musobaqada ishtirok etish uchun telegram bot orqali ro‘yxatdan o‘tishlari zarur.
    
13. 
    Musobaqada, murabbiylar va hakamlar maxsus sport kiyimlarida bo‘lishi talab etiladi.
    

V. Musobaqaga hakamlik qilish va o‘tkazish tartibi

14. 
    Musobaqani o‘tkazish bosh hakam hamda hakamlar hay’ati zimmasiga yuklatiladi.
    
15. 
    Nizom talablariga asosan, ishtirokchilar tibbiy ko‘rikdan o‘tganligi to‘g‘risidagi ma’lumotnomasi, pasport (asl nusxasi)larini hakamlar hay’atiga taqdim etadi.
    
16. 
    Mazkur Nizomga qat’iy rioya qilishlari shart, shuningdek, ular raqib jamoa va muxlislarini hurmat qilishlari lozim.
    

VI. Musobaqaning o‘tkazish shartlari va sport turlari.

17. 
    Musobaqa quyidagi elektron kompyuter sport turi bo‘yicha tashkil etiladi: jamoaviy tartibdagi sport turi CS:GO
    

CS:GO - elektron kompyuter sport turi bo‘yicha jamoalar LAN hamda online rejimda bellashishadi. Jamoada 5 ta kibersportchi va 1 zaxira kiberspotrchi bo‘ladi. Saralash bosqichlarida jamoalar 1 ta karta, Pley-Off bosqichlarida 3 tadan karta o‘ynashadi.

18. 
    Musobaqada mag‘lub bo‘lgan jamoa yoki kibersportchi musobaqani tark etadi. Gʻoliblar musobaqani davom ettirishadi.
    

VII. Musobaqani moliyalashtirish va g‘oliblarni taqdirlash

CS:GO musobaqasida jamoaviy tartibda g‘oliblikni qo‘lga kiritgan qiz (ayol) va o‘g‘il (erkak) ishtirokchilar 1,2,3 o‘rinlar bilan taqdirlanadi. Jamoada 5 ta ishtirokchi bo‘ladi. Jami: 15 nafar ishtirokchilar taqdirlanadi.
19. Musobaqada 1, 2, 3-o‘rinni egallagan talabalar BuxDU ma’muriyati tomonidan maxsus diplom va qimmatbaho sovg‘alar bilan taqdirlanadilar.

VIII. Yakuniy qoidalar

Musobaqa ishtirokchilari va jamoalarning natijalari, jismoniy va aqliy qobilyatini, shuningdek strategik hamda tezlik tayyorgarligi monitoring qilinadi.