Kimyoviy texnologiya
Qattiq konstruksiyali issiqlik almashinish qurilmalari
Download 1.97 Mb. Pdf ko'rish
|
Kimyoviy texnologiya
- Bu sahifa navigatsiya:
- Qurilmalarni yuvish
- Nuqsonlarni aniqlash va bartaraf qilish.
- Yig‘ish va sinash.
- U-simon trubali issiqlik almashinish qurilmalari.
- «Truba ichida truba» tipidagi issiqlik almashinish qurilmalar
- Plastinali issiqlik almashinish qurilmalar.
- Ko‘mir-grafitli issiqlik almashinish qurilmalari.
|
Qattiq konstruksiyali issiqlik almashinish qurilmalari. Qattiq konstruksiyali issiqlik almashinuvchi qurilmada qo‘zg‘almas truba panjaralari qobiq bilan mahkam bog‘langandir. Ularning asosiy kamchiligi temperaturalar kuchlanishlarini qabul qila olmasligi va qobiqlarning ichki yuzalari va issiqlik almashinuvchi trubalarning tashqi yuzalarini iflosliklardan va cho‘kindilardan mexanik tozalash mumkin bo‘lmasligidir. Bunday issiqlik almashinish qurilmalarini ta’mirlash yo‘li bilan qayta tiklash bir muncha chegaralangandir. Aynan shuning uchun ham uzoq muddat xizmat qilishi, tegishli ekspluatatsiya rejimiga qat’iy rioya qilingandagina ta’minlanadi. Masalan, qurilma pasportida ko‘rsatilgan issiqlik almashinayotgan muhitlararo temperaturalar farqini oshirib bo‘lmaydi, chunki bu truba panjarali truba birikmalarining buzilishiga yoki truba yorilishiga olib kelishi mumkin. Ikki issiqlik almashinayotgan oqimlarning, iflosliklardan holi bo‘lgan, korrozion aktiv moddalar va issiqlik almashinish jarayonini yomonlashtiruvchi hamda qurilmaning gidravlik qarshiligini kuchaytiruvchi muallaq zarrachalardan holi bo‘lgan bittasini trubalar orasiga yuboriladi. SHuni nazarda tutish kerakki, truba tashqi yuzalarining va qurilma qobig‘ining ichki devorini ko‘rikdan o‘tkazish imkoni yo‘q, bundan kelib chiqadiki, qurilma holatini ekspluatatsiya qilinayotgan vaqtda nazorat qilish mumkin bo‘lmay qoladi. Ta’mirlashning zaruriyligi, ta’mirlashi va mexanik tozalanishi mumkin bo‘lgan trubalarning ichki yuzalarini tekshirish orqali aniqlanadi. Trubalarni va qobiqni korrozion emirilishini oldini olish, ular ishlayotgan muhit xossalariga bog‘liq holda, ularni yasash uchun metall tanlash orqali amalga oshiriladi. Truba va issiqlik almashinish qurilmalarining qopqoqlarini qobiqlarini korroziyadan dengiz suvi yordamida katodli muhofazalash tajribasi mavjuddir. Bunday muhofazalash korroziya tezligini 5-6 marta kamaytiradi. Katodli muhofazaga tegishli bo‘lgan elementlarning ma’lum mikdorini muhofazalovchi yuzalar o‘lchamlariga bog‘liq holda qurilma qopqog‘ining ichiga osib qo‘yiladi; emirilish o‘lchamiga qarab, ta’mirlashda elementlarni muntazam ravishda yangilari bilan almashtirish mumkin. Vizual ko‘prik faqatgina qopqoqlar, trubalarning uchlari va ichki kanallari, qobiq va qopqoqlardagi shtutserlar uchun taalluqlidir. Qurilmaning qolgan qismlari nuqsonlarini faqatgina bosim bilan tekshirish vaqtidagina aniqlash mumkin.
Taftish va ta’mirlash vaqtida va tarkibini konkret ekspluatatsion sharoitlardan kelib chiqib aniqlanadi. Muddatdan oldin ta’mirlash zarurati issiqlik almashinishning keskin yomonlashuvi bilan (texnologik kartaga mos), shuningdek, issiqlik almashayotgan muhitlar siljishi bilan bog‘liq birinchi holatda, ichki yoki tashqi truba yuzalarining yoki unisini ham bunisini ham ifloslanishi ehtimoli bor, ikkinchi holda-bitta yoki bir nechta trubalarning yorilishi yoki trubalarning truba panjaralari bilan birikkan joylarda zichlikning buzilish ehtimoli bor. Trubalar kamchiligi katta bo‘lgani uchun truba panjaralarining ochiq emirilishi qariyb uchramaydi. Qurilma qobig‘ini va uning birikmalari zichligining buzilganligini tomchilar oqayotganligini ko‘rib aniqlash juda oson. Bunday hollarda qurilmalarni, ular ishlab turgan sistemadan surilma qopqoqlarni va ventillarni darhol berkitib qo‘yish orqali uzib qo‘yish zarur. Qattiq konstrutsiyalash issiqlik almashinish qurilmalarini taftishi va ta’mirlash vaqtida o‘tkaziladigan operatsiyalar ketma-ketligi qariyb bir xildir.
maxsus qobiq va qopqoqdagi maxsus chiqarib tashlovchi muftalar orqali bo‘shatiladi. So‘ngra ishchi muhitning fizik-kimyoviy xossalariga ko‘ra mo‘ljallanadigan vaqt oralig‘ida ular suv bilan yuviladi, keyin bug‘lantiriladi. Buning uchun issiqlik almashinish qurilmalarining trubalar bog‘lamiga bug‘ liniyasini ulash imkoniyatlari ko‘rib chiqiladi. Bu liniya qurilmalar ishchi rejimda mustahkam biriktirilgan bo‘lishi kerak. Yuvish va bug‘latish orqali ikki maqsadga erishiladi: portlash va yong‘indan xavfsiz yoki zaharli moddalardan havfsiz hosil qilish yo‘li bilan qurilmani ochishga tayyorlashga va yuzalarni cho‘kindilardan tozalashga . Shuni nazarda tutish kerakki, yuvish - bu trubalar tashqi yuzasidan cho‘kindilarni ajratib olishning birdan-bir mumkin bo‘lgan usulidir. SHuning uchun issiqlik almashinuv qurilmalarining trubalararo bo‘shlig‘ini yuvishga alohida e’tibor qaratish kerak. Qurilmalarni mumkin qadar bug‘ bilan isitiladigan issiq suvda yuvish kerak. Neftni qayta ishlash qurilmalarini issiq suv va kerosin aralashmasi bilan yuvish amalga oshirilmokda. Kerosin neft mahsulotlarini eritadi, koks va boshqa mexanik aralashmalar esa aralashma oqimi bilan birga chiqib ketadi. Agar truba bo‘shlig‘iga bir vaqtning o‘zida bug‘ ham yuborilsa, bunday yuvishning samarasi yana ham ortadi. Kerosinni va isitishga ketadigan issiqlik sarfini kamaytirish maqsadida ishlatib bo‘lingan aralashmani ma’lum sig‘imga solinadi va undagi chiqindilar tindiriladi, so‘ngra yana foydalaniladi. Yuvuvchi suyuqlik sifatida 100-120°C gacha isitilgan solyar moyi ishlatilsa ham bo‘ladi.
Yuzalardagi chiqindilar va cho‘kindilar kerosin yoki solyar moyida yaxshi erimasa, u holda maxsus ingibitorlardan foydalanib, kislotali tozalash qo‘llaniladi. Ular truba va qobiq metallari intensiv korroziyasining oldini oladi. Odatda xlorid kislotasining «unikol» ingibitori bilan aralashmasi qo‘llaniladi.
2.3-rasm. Issiqlik almashinish qurilmalarini kimyoviy tozalash usuli 1-yuvuvchi suyuqlikni tindirsh uchun sig‘im; 2-isitkich; 3- devorli sig‘im; 4-nasos; 5- cho‘kmani chiqarish shtutseri. Ajratish. Yuvilgandan so‘ng, qurilmalarni hammayog‘i berk qopqoqlar bilan kommunikatsiyadan ajratib olinib, keyin uni ajratishga o‘tiladi. Tagliklarni ajratish uchun ba’zan trubali bog‘lamning bir qismini demontaj qilishga to‘g‘ri keladi. Qattiq qobiq trubali issiqlik almashinish qurilmalarining og‘irligi anchagina. Shuning uchun ularni qismlarga ajratish va keyinchalik o‘rnatish uchun kranlar, uchoyoqlar, statsionar ko‘tarish qurilmalaridan foydalaniladi.
devorlarining haqiqiy qalinligini, teshiklarni parmalash yo‘li bilan o‘lchanadi, shuningdek ultratovushli qalinlik o‘lchagichlar yordamida ham o‘lchanadi. Seksiya to‘siqlarini tagliklarga payvandlash sifati ularga suv solib tekshiriladi. Suvni navbatma- navbat har bir seksiyaga uzatiladi, buning uchun qopqoqdagi barcha shtutserlar berkitiladi, qopqoqni esa ochiq tomoni bilan yuqoriga qaratib o‘rnatiladi. Truba panjaralaridagi trubalar uchlarini mahkamlanish holatini avval ko‘z bilan kuzatish orqali tekshiriladi. Truba uchlarini truba panjaralari uyalarida teshik og‘zini yumaloqlash orqali mahkamlash keng tarqalgan. Issiqlik almashinish trubalarining alohida xususiyatlari: ularning kichik qalinlikda ekanligidir. Shuning uchun trubalar uchlarining mahkamlanishi alohida e’tibor bilan tekshiriladi. Teshiklarni yumaloqlab mahkamlash sifatini, yumaloqlash orqali mahkamlangan yuzalar holati bo‘yicha baholanadi. Yuzalar bir tekis deformatsiyalangan bo‘lishi, shuningdek yumaloqlab berkitilgan trubalar uchlari ichki diametri o‘lchamlari natijalari bo‘yicha bo‘lishi kerak. U truba devori qalinligi boshlang‘ich diametrdan 15-30% ga ko‘p bo‘lishi kerak. Yangi yumaloqlab yopilgan birikmalar sifati, yumaloqlab berkitish darajasi orqali xarakterlanadi. Uni quyidagi formula orqali aniqlanadi:
100
' D d D d d k н в в
bu erda k - razvalsovka darajasi, (%); issiqlik almashinish qurilmalari uchun k=0,5-1%; '
d va d
v - razvalsovkagacha va razvalsovkadan keyingi truba diametri, mm; D - teshikli panjaradagi truba razvalsovkasi uyasining diametri, mm; d n - truba uchining razvalsovkagacha bo‘lgan diametri, mm. Truba uchlari panjara yuzasidan truba devori qalinligiga teng bo‘lgan uzunlikda chiqib turishi kerak va bortovka qilingan bo‘lishi zarur. Truba uchining qo‘ng‘iroqchasi (bortovka qilingan uchastka) butun, yoriqlarsiz va darzlarsiz bo‘lishi kerak. Truba devorining yumaloqlab mahkamlangan yuzasidan yumaloqlab mahkamlanmagan uchastkalariga o‘tadigan joylariga e’tibor berish zarur: ular silliq, devorlarining uchli kesiklarisiz bo‘lishi kerak. Ko‘p hollarda trubalarning uchlari tezroq emiriladi, shuning uchun, ularning qalinliklarini o‘lchash orqali issiqlik almashinish trubalari butkul holati haqida xulosa qilish mumkin. O‘ta emirilgan trubalar yumaloqlab mahkamlangan birikmalarning mustahkamligini ta’minlay olmaydi. Agar panjaralar va trubalar yaxshi payvandlanadigan metalldan yasalgan bo‘lsa, issiqlik almashinish qurilmalarida truba panjaralarida trubalarni payvandlab mahkamlash ham qo‘llaniladi. Panjara va truba devorlarining qalinliklari juda katta farqli bo‘lishi, payvand ishlarini sifatli bajarilishiga qiyinchilik tug‘diradi. Ko‘rik vaqtida payvand choki bir tekisliligiga va uning qalinligiga e’tibor berish kerak, chunki ekspluatatsiya jarayonida choklar korrozion va erozion emirilishga duch keladi.
Trubalar ichki yuzalarini yuvish vaqtida chiqarib yuborilmagan cho‘kindilar bilan ifloslanganlik darajasini ko‘z bilan ajratib va ozod kesimlar diametrlarini o‘lchash yo‘li bilan ham aniqlanadi. Bular cho‘kindilarni mexanik tozalash yo‘li bilan olib tashlanadi. U cho‘kindilarni truba yuzasidan turli asboblar yordamida yumshatilib va qirqib tozalanadi. Mexanik tozalash jarayoni ko‘p mehnat talab qiladi.
2.4-rasm. Issiqlik almashinish qurilmalarini mexanik tozalash uchun qurilma 1-parma; 2-g‘ovak val; 3-taqsimlovchi zolotnik; 4-yuritma; 5-tayanch; 6-koshka; 7-uch oyoq; 8-lebedka; 9-kran osti yo‘li. Uchlari payvandlangan trubalarni payvandlash murakkabroq. Buning uchun qo‘l kuchi yordamida yoki pnevmatik bolg‘acha yordamida chok uziladi, ba’zan panjaradagi uyacha mexanik qayta ishlov beriladi. Amalda emirilgan trubalarni yangilariga almashtirish kam uchraydi; odatda ularni har ikki uchlari tomonidan metall (masalan, po‘latdan yasalgan) tiqinlar bilan yopib qo‘yiladi, ular kichkinagina konuslikka (3-5°) egadir. Tiqinlarni trubadagi maksimal bosimga mustahkam qarshilik qilishlari uchun zichlab urib qo‘yiladi. Yopib qo‘yilgan trubalar soni, bitta oqimga to‘g‘ri keladigan, ularning bog‘lamdagi umumiy soni 10% dan oshmasligi kerak, aks holda gidravlik qarshilik sezilarli darajada ortib ketadi va issiqlik almashinishi sezilarli darajada kamayib ketadi.
2.5-rasm. Issiqlik almashinish qurilmalari uchun kesish kallagi 1-keskich; 2- shpindel; 3- uzatkich. Umumiy holda anchadan beri ishlayotgan issiqlik almashinish qurilmalar trubalarida bir necha nuqsonlarni aniqlash, barcha trubalarning ishdan chiqqanligi ehtimolini ko‘rsatadi. Bunga sabab ularning hammasi ham bir xil sharoitda ishlaganliklaridir. SHuning uchun emirilgan trubalarni yopib qo‘yish orqali issiqlik almashinish qurilmalarini yaqin kapital yoki o‘rta ta’mirlashgacha ekspluatatsion yaroqliligini saqlab turish mumkin. Ta’mirlash vaqtida esa, issiqlik almashinish qurilma yoki trubalar bog‘lami butkul yangisi bilan almashtiriladi. Konstruksion echimlarga qarab, truba uchlarining truba panjalari bilan zich bo‘lmagan birikishida qo‘shimcha elektr payvandlab yoki qo‘shimcha juvalab qo‘yiladi. Payvandlanayotgan uchastkalar metall shyotkalar bilan tozalanadi, aniqlangan yoriq zubilo bilan uzib tashlanadi. Elektrod diametri, sifati, shuningdek, payvandlash choki kattaligi katta ahamiyatga ega. Qo‘shimcha juvalash ham yuqori malaka talab etadi. Haddan tashqari juvalash ham birikmalarni ishdan chiqarib qo‘yishi mumkin. Bitta yo ikkita qo‘shimcha juvalash natija bermayotgan bo‘lsa, trubalarni har ikki tomonidan truba panjarasi yon yuzalari payvandlab tashlanadi. Bunday hollarda payvandlashdan keyin yonma-yon turgan truba uchlarini payvandlash vaqtida qizib ketish ta’sirini yuqotish maqsidida qo‘shimcha juvalanadi. Qobiqning emirilgan uchastkalarini gidravlik bosim bilan tekshirish yordamida yoki ultratovushli defektoskop yordamida topiladi. Shubhali uchastkalarni, qoldiq qalinliklarni oddiy o‘lchov asboblarida (shtangensirkul, chizg‘ich va h.) o‘lchash maqsadida parmalanadi. Kopusni ta’mirlashda uning tashqi yuzasiga qobiq qaysi po‘lat tunikasidan tayyorlangan bo‘lsa, o‘sha markadagi po‘latdan yasalgan latkalar qoplab ta’mirlanadi. Yamoqlar ustma-ust qilib payvandlanadi. Qobiqning shikastlangan uchastkasini keyinchalik latkani tutash choki bilan payvandlash maqsadida gazkeskich bilan kesib bo‘lmaydi: gazkeskich yonma-yon turgan trubani shikastlashi mumkin. Bundan tashqari latkani tutashtiruvchi payvandga moslash juda mushkul. Qoplanayotgan latka o‘lchamlari birinchidan, emirilgan uchastkani butkul qoplashi kerak, ikkinchidan, payvandlash qobiq uchastkasiga etarli qalinlikda to‘g‘ri kelishi kerak. Qobiqni ta’mirlashning yuqorida qayd etilgan usuli yuqori bosimda ishlovchi qurilmalarni nazorat qilish agentligi talablariga javob bermaydi. Yig‘ish va sinash. Ta’mirdan so‘ng issiqlik almashinish qurilmalarini bosim bilan tekshirishga qopqoqlari ochilgan holda beriladi, so‘ngra qopqoq osiladi va mahkamlanadi. Qobiq va qopqoqdagi barcha muftalar tozalangan bo‘lishi kerak. Yig‘ilgan qurilmalarni suv bilan yakuniy bosim ostida tekshirishga yuboriladi. Avval trubalararo bo‘shliqni (qobiq) qopqoqlaridagi tushiruvchi muftalarni ochiq holatda nazorat bosimida bosim bilan tekshiriladi. Keyin undan suv batamom chiqarib tashlanadi va korpusdagi ochiq tushiruvchi muftalarda truba bo‘shlig‘i bosim bilan tekshiriladi. Nazorat bosimi kattaligi odatda qurilma pasportida ko‘rsatilgan bo‘ladi. Bunday ko‘rsatkich mavjud bo‘lmagan hollarda qurilma qobig‘i (trubalararo bo‘shliq)ni sig‘im sifatida sinaladi, truba bo‘shlig‘ini esa-ikkilangan ishchi bosimga tekshiriladi. Tushiruvchi va flanesli birikmalar orqali tomchilashlarning yo‘qligi, mustahkamlik va zichlikning ishonarli ekanligidan dololat beradi. Tiqinlarni olib tashlangandan keyin qurilmani ekspluatatsiya qilishga beriladi. U-simon trubali issiqlik almashinish qurilmalari. U-simon trubali issiqlik almashinish qurilmalarining asosiy afzaliklari - suzuvchi kallaklarning yo‘qligi va qobiqning ajratiladigan tagligi yo‘qligidir. Ammo, issiqlik almashinish trubalarining ichki yuzalarini mexanik tozalash imkoni bu holatda deyarli, mumkin emas. SHuning uchun ekspluatatsiya jarayonida trubalar devorlarida eruvchan va erimaydigan cho‘kindilarning hosil bo‘lishini oldini olishga imkon beradigan zaruriy choralar qabul qilinadi. Yuvish texnologiyasi va kimyoviy tozalash xuddi qobiq trubali issiqlik almashinish qurilmalarinikiga o‘xshash. Montaj shtutserlari orqali yangi truba bog‘lamini o‘rnatishda qulaylik bo‘lishi uchun qobiq tagligiga tros sim uzatiladi, bu sim
bilan truba panjarasiga mahkamlangan tortki quloqchasi ilib olinadi. Montaj qilib bo‘lingandan so‘ng shtutserga tiqin tiqib qo‘yiladi
tipidagi issiqlik almashinish qurilmalarini montaj qilish usullari ularning konstruktiv bezatilishi va komponovka sxemasiga bog‘liqdir. Issiqlik almashinish qurilmalari bir oqimli va ko‘p oqimliga bo‘linadi. O‘z navbatida bir oqimli issiqlik almashinish qurilmalar qattiq konstruksiyali issiqlik almashinish qurilmalari va temperatura deformatsiyalarini kompensatsiyalovchi issiqlik almashinish qurilmalariga bo‘linadi.
Bir oqimli issiqlik almashinish qurilmalarini alohida bloklarda maxsus metallokonstruksiyalarida montaj qilinadi. Ular poydevorga mahkamlangan bo‘ladi. Tashishga qulay metallokonstruksiyali bloklarni yig‘ish tayyorlovchi zavodda amalga oshiriladi. Montaj maydonchalarida ularni maksimal yiriklashtiriladi. Payvand va flanes birikmalarida nozichlik mavjudligini, shuningdek, trubalar nuqsonlari alohida issiqlik almashinish qurilmalari ichki va tashqi trubalarini bosim bilan tekshirish orqali aniqlanadi. Issiqlik almashinish qurilmasining ichki zmeevikida suyuqlik tomchilarini sizilganda, temperatura deformatsiyalari konpensatsiyasiga bog‘liq bo‘lmagan holda kalach qopqoqni ajratib olinadi. Bu qopqoqqa ikkita ichki trubalarni biriktiruvchi qo‘shaloq juft joylashgan. Ko‘pincha suyuqlik o‘tib ketishi, aynan shu birikmalarda aniqlanadi, bu birikmalar rezbalarda ham, xuddi flanesdagi kabi bajariladi. «Truba ichida truba» tipidagi issiqlik almashinish qurilmalarining ichki va tashqi trubalari oson yuviladi. Qurilmalarni qismlarga ajratilgan konstruksiyalarida mexanik tozalash ham qiyinchilik tug‘dirmaydi. Ichki trubalarni mexanik tozalashni osonlashtirish uchun ko‘pincha, ularni qo‘shaloq juftlar bilan payvandlab emas, flaneslarda biriktiriladi. Bir oqimga nisbatan katta ixchamligi bilan ajralib turadigan, ko‘p oqimli issiqlik almashinish qurilmalari, tayyorlovchi zavoddan butkul yig‘ilgan holatda yo o‘rnatish ramalari bilan birga, yoki bir necha seksiyalar bo‘yicha kompanovka qilinib keltiriladi (qurilgan issiqlik almashinish qurilma). Ko‘p oqimli issiqlik almashinish qurilmalari nuqsonlarini bosim bilan tekshirish orqali aniqlash oson. Avval trubalar ichki bo‘shliqlarini bosim bilan tekshiriladi. Agar bunda bosim bilan tekshiruvchi suyuqlik trubalararo bo‘shliqda paydo bo‘lsa, qopqoq ochiladi va ichki trubalarning birikmalarining uchlari yalang‘ochlanadi. Trubalar uchlarining panjaraga birikishida, shuningdek, qo‘shaloq juft tutashuvi uchastkalarida ham uzatishlar bo‘lishi mumkin. Ichki trubalarni qismlarga ajratishda va yig‘ishda truba panjarasidagi konussimon uyalar yuzalarining holati va trubalar uchliklaridagi sferalar alohida e’tibor bilan kuzatilishi zarur. Ularni mexanik zarbalardan va korroziyadan himoyalash kerak. Ko‘pincha, truba va truba uchligi orasidagi tutashuvda payvand choklari emiriladi. Tashqi truba birikmalaridagi nuqson odatda ekspluatatsiya vaqtida yuzaga chiqadi. Bunday nuqsonlarni aniqlash uchun ta’mirlash va montaj vaqtida yuzaga chiqadi. Bunday nuqsonlarni aniqlash uchun ta’mirlash va montaj vaqtida trubalararo bo‘shliqni bosim bilan tekshirishga yuboriladi. Nozik teshik og‘zini yumaloqlash bilan bajarilgan birikmalarni qo‘shimcha teshik og‘izlari yumaloqlanadi yoki payvandlanadi. Plastinali issiqlik almashinish qurilmalar. Plastinali issiqlik almashinish qurilmalarini butkul yig‘ilgan holatda barcha birikmalarni zichlikka tekshirilgandan so‘ng poydevorga o‘rnatiladi. Shtampovka qilingan plastinalarni qiyshayishi va siljishiga yo‘l qo‘ymaslik uchun issiqlik almashinish qurilmalarini olib boruvchi ustunlarni aniq o‘rnatish muhim ahamiyatga egadir. Taftish vaqtida va ta’mirlash vaqtida, bloklar qismlarga bo‘linadi, hamda ulardagi plastinalar va yoriqlari ko‘rinuvchan (gofrirlangan) kanallarining butunligi tekshiriladi. Emirilgan plastinalarni yangilari bilan almashtiriladi. Yig‘ishdan oldin barcha plastinalar yaxshilab yuviladi. Tutashuvchi plastinalar oralig‘idagi qistirmalarni, shuningdek, chetki plastinalar oralig‘idagi va tegishli ravishda qo‘zg‘almas va qo‘zg‘aluvchan plitalar orasidagi qistirmalar alohida diqqat bilan tekshiriladi. Plastinali issiqlik almashinish qurilmalarini ta’mirlashda eng muhim ish - bu ko‘plab shakldor qistirmalar tayyorlashdir. Yuqori temperaturalarda ishlaydigan ba’zi bir issiqlik almashinish qurilmalarini payvandlab - qismlarga ajratib bo‘lmaydigan qilib yasaladi. Bunday issiqlik almashinish qurilmalaridagi plastinalar ta’mirlanmaydi, payvand birikmalarning nozichliklari aniqlangan joylarini qayta payvandlash bilan chegaralaniladi. Ko‘mir-grafitli issiqlik almashinish qurilmalari. O‘ta agressiv muhitlar uchun turli konstruksiyalardagi ko‘mir grafit materiallaridan ishlangan issiqlik almashinish qurilmalari qo‘llaniladi: blokli, qobiq blokli, cho‘ktirma va qobiq-trubali tiplardagi konstruksiyalar. Ko‘mir grafitli issiqlik almashinish qurilmalarini montaj qilish, ta’mirlash usullari, ularning konstruksiyalari, og‘irligi va o‘lchamlariga qarab tanlanadi. Ko‘p hollarda asosiy e’tibor po‘lat bolt yoki shpilkalar bilan tortib bog‘lanadigan birlashtiruvchi elementlar (blok, truba kanallar) orasidagi zichlikni mustahkamlashni ta’minlashga qaratilgan bo‘ladi. Metall qobiq va grafitli trubadan iborat bo‘lgan, murakkab qobiq- trubali issiqlik almashinish qurilmalarini ta’mirlash va montaj qilish ba’zi qiyinchiliklarni tug‘diradi
2.6-rasm. Grafit trubali qobiq-trubali issiqlik almashinish qurilmasi 1-qabul qiluvchi kamera; 2- tortuvchi bolt; 3- grafitli teshikli panjara; 4- metall qobiq; 5- grafitli truba; 6- tayanch.
Qobiq yon tomonlariga grafitli trubali panjaralar o‘rnatilgan bo‘lib, ularga trubalar surtma moyga konusli yuzalar bilan mahkamlangan. Kiruvchi va chiquvchi kameralar shakldor qopqoqlar bilan hosil qilingan. Birikmalarning zichlanishiga, boltlarni qistirmalar vositasida bir tekis tortib bog‘lash orqali erishiladi.
Download 1.97 Mb. Do'stlaringiz bilan baham: 
|