Kiyingi yillarda o

Kirish

O‘zbekiston Respublikasining “Ta’lim to‘g‘risida”gi Qonuni va “Kadrlar tayyorlash milliy dasturi” ni hayotga tadbiq etish maqsadida,gumanitar akademik litseylar uchun fizikadan davlat ta’lim standarti asosida o‘quv dasturlari tuzildi. Dasturni tuzishda gumanitar akademik litsey o'quvchilariga fizikadan fundamental bilim berilishi inobatga olingan. Dasturni tuzishda akademik litsey o'quvchilari umumiy fizika kursining barcha bo‘limlaridan, chunonchi, mexanika, molekulyar fizika va termodinamika, elektr, optika, atom va yadro fizikasidan ma’lum darajada tugallangan bilimlarga ega bo‘lishlari zarur ekanligi inobatga olingan.

Respublikamizda ta’lim sohasining isloh qilinishi munosabati bilan akademik litsey va kasb–hunar kollejlari fizika ta’limi tarkibiy tuzilishi va mazmunini hozirgi davr talablariga mos ravishda takomillashtirish modernizatsiyalash, uzviyligini ta’minlash zaruriyati vujudga keldi.

Ta`lim tizimi yoshlar intеllеktual faolligini oshirishning eng muhim omilidir. Ta`lim jarayonini zamon, fan-tеxnika taraqqiyoti talablari darajasiga ko`tarmoq bu murakkab jarayonni har tomonlama taraqqiy ettirish zarur. (I.A.Karimov.“Yuksak ma`naviyat – yengilmas kuch”. T. “Ma`naviyat”- 2008)

Kiyingi yillarda o’qitishning yangi pedagogik texnologiyalari pedagog mutaxasislar orasida eng ko’p tarqalgan fikrlardan biriga aylanib bormoqda. Bunga sabab o’qituvchi faol bo’lib, ta’lim oluvchi esa tinglovchi passiv, faqatgina ob’ekt vazifasini bajaruvchi- o’qitishning avtoritar usuli deb baholanadigan an’anaviy usulning zamonaviy ta’lim tizimi talablariga javob bera olmayotganligi. Hanuzgacha jahonda eng ko’p tarqalgan o’qitishning an’anaviy usulida o‘quv mash-g’ulotining asosiy birligi dars bo’lib, u bitta fanining bitta mavzusiga bag’ishlanadi va o’qituvchi tomonidan boshqariladi. Avtoritar o'qitish texnologiyasida ta’lim oluvchining tashabbusi va mustaqilligi deyarli yo’qoladi, o’qitish majburiy yo’sinda amalga oshiriladi.

An’anaviy o’qitish texnologiyasining qusurlari ustida to’xtalib, Prezident Islom Karimov “Ta’lim oluvchilar qaysi sinfdan boshlab mustaqil fikr yurita boshlaydi? Umuman maktabda mustaqil fikr yuritishga o’rgatiladimi?” degan savollarni qo’ydilar va ularga quyidagicha javob berdilar: “Aminmanki, o’rgatilmaydi. Mobodo biror ta’lim oluvchi o’qituvchiga e’tiroz bildirsa, ertaga u hech kim havas qilmaydigan ahvolga tushib qoladi. Maktabdagi jarayonda o’qituvchi hukmron. U ta’lim oluvchidan faqat o’zi tushuntirayotgan narsani tushunib olishni talab qiladi. Prinsip ham tayyor: “Mening aytganim-aytgan, deganim-degan”. Demak, an’anaviy ta’lim texnologiyasida o’qituvchi va ta’lim oluvchi munosabatida majburiy itoatkorlik, ya’ni zo’ravonlik pedagogikasi amal qiladi”