Klass: 5-klass Matematika

Qatnastı: Matematika hám informtika birlespesi baslıǵı R.Jumabaeva,
OIBDO F. Jumaniyzova, mektep psixologi G. Sankibaeva hám birlespe
aǵzaları
Kún tártibinde:

1. 
   D. Saparbaevanıń 5-v klasta “ Háreketke tiyisli máseleler” temasındaǵı ashıq sabaǵı
   

Tıńlandı'
Birinshi másele boyınsha sózge ashıq sabaq iyesi D. Saparbaeva shıǵıp sóylep, óziniń 5-v klasta matematika páninen ótken “Háreketke tiyisli máseleler” temasındaǵı ashıq sabaǵınıń jobası, maqseti, tayanısh hám pánge tiyisli kompetenciyaları menen tanıstırıp, sabaq ótiw barısında óz maqsetine jetkeni, temanı tolıq túsindire alǵanı, oqıwshılar menen qosımsha shınıǵıwlar orınlawǵa úlgergeni haqqında aytıp, bul da oqıwshılardıń burınǵı temalardı ózlestirip kiyatırǵanı nátiyjesinde taza temanı tolıq túsinip alıwında qıyınshılıq tuwılmaǵanın ayttı.
Bul boyınsha birlespe basshısı A. Úmbetova shıǵıp sóylep tómedegilerdi ayttı. Dilfuza Saparbaeva sabaqtı jaqsı shólkemlestirdi. Tańlaǵan metodları sabaqqa durıs tańlanǵan. Oqıwshılar menen jaqsı islese aldı. Úy jumısın soraǵanda pánler menen baylanıstırıp, logikalıq shınıǵıwlar berip oqıwshılardıń zeynin kóterip, oqıwshılardı shaqqanlıqqa shaqırdı.Taza temanı bekkemlewde qáte kemshiliklerge jol qoyǵan joq. Sabaqtı kewilli alıp bardı.Men sabaqtı úlgili dep bahalayman.
Sózge birlespe OIBDO F. Jumaniyazova shıǵıp sóyledi. Oqıwshılardıń sabaqqa
qızıǵıwshılıǵı jaqsı olarǵa kóbirek marapat berip xoshametlep bardı. Sabaq qızıqlı
hám mazmunlı ótti dep oylayman.Paydalanǵan metodları temaǵa sáykes keledi.
Oqıwshılarınıń úlgeriwi jaqsı. Ótilgen sabaqtı úlgili dep bahalayman.
Bunnan soń sózge birlespe aǵzası Z. Qazaqbaeva shıqtı hám tómendegilerdi aytıp ótti. D. Saparbaeva temanı oqıwshılarǵa jaqsı jetkerip bere aldı. Oqıwshılar ortasında tema boyınsha soraw-juwaplardı ótkerdi. Sabaqta tómen ózlestiriwshi oqıwshılardı itibardan shette qaldırmadı. Alıp barǵan “Kim shaqqan” oyın shınıǵıwı balanı shaqqanlıqqa, tapqırlıqqa úyretip, logikalıq oylawın rawajlandırdı.. Men ótilgen ashıq sabaqtı úlgili dep bahalayman.
Jıynalıs sońında pikir usınıslar inabatqa alınıp sheshim qabıl etildi.
Sheshim:

1. 
   1. D. Saparbaevanıń 5-v klasta “Háreketke tiyisli máseleler” temasındaǵı ashıq sabaǵı “úlgili” dep bahalansın.
   

Jıynalıs baslıǵı: R. Jumabaeva .
Xatker: J. Matirzaeva.