Kompyuter falsafasi

Namoyish dasturlari o‘quvchilarga o‘quv materiallarini alohida elementlarini ko‘rgazmali namoyish etish, o‘quv predmetining yangi tushunchalarini tasvirlash, alohida jarayon va xodisalarni ko‘rsatish uchun mo‘ljallangan bo‘ladi.
O’rgatuvchi dasturlar o‘quvchiga biror-bir aniq bilimni berish uchun mo‘ljallangan bo‘ladi. Teskari aloqa yordamida bu dasturlar o‘quvchining qanday darajada bilimlarga ega bo‘layotganini aniqlashga yordam beradi. Bu yerda «O’rgatuvchi» iborasini shartli ravishda qabul qilishimiz kerak. Chunki boshqa pedagogik dasturiy vositalar ham o‘rgatuvchi xarakterga ega bo‘ladi.
Mashq qildiruvchi dasturlar avval o‘zlashtirilgan o‘quv materialini takrorlash va mustahkamlashga xizmat qiladi. Bunday dasturlar odatda aniq ko‘nikmalarni takomillashtirishga zarurat tug‘ilganda tadbiq qilinishi ko‘zda tutiladi.
Nazorat olib boruvchi dasturlar o‘quvchining bilin darajasi va qobiliyatlarini nazorat qilish uchun mo‘ljallangan maxsus kategoriyadagi test o‘tkazuvchi dastur hisoblanadi. Bunday dasturiy vositalar o‘quvchilarga savollar taqdim qiladi va ularning javoblarini qayd qilib boradi. Qoidaga ko‘ra bunday dasturlar ishning oxirida bilimlarning baxosini yoxi xisobotini chiqarib beradi. Asosiy maqsadi – o‘z bilimlarni nazorat qilishdir
O’yin (o‘qishga mo‘ljallangan) dasturlari boshqa dasturlarga nisbatan kamroq tarqalgan.O’yin dasturlari bilan ishlash jarayonida o‘rganish, nazorat qilish va mashq qildiruvchi xarakterga ega bo‘lishi mumkin. Bu dasturlarning asosiy maqsadi ta’limda motivasiyani rivojlantirishdir
Imitasion-modellashtiruvchi dasturlar inson qo‘li bilan bajarib bo‘lmaydigan, qiyin yoki bajarish uchun ko‘p vaqt va mablag‘ talab qiluvchi ishlarni amalga oshirishda foydalaniladi. Bunday dasturlar o‘quvchiga jarayonlarning xususiyatlarini, kamchilik va xislatlarini chuqur o‘rganishga, ijodiy izlanishlariga shart sharoitlar yaratib berishga imkoniyat yaratadi.