Konstitutsiyaviy huquq 9-kazus

Tumanlar (shaharlar) bo‘limlari o‘zlariga yuklangan vazifalar va funksiyalarni amalga oshirish uchun quyidagi huquqlarga ega:

Davlat boshqaruvi organlari, xo‘jalik birlashmalari hamda boshqa tashkilotlardan o‘ziga yuklangan vazifalarni sifatli bajarish uchun zarur bo‘lgan axborot materiallarini olish;

O‘z faoliyatiga oid masalalarda davlat boshqaruvi organlari, xo‘jalik birlashmalari, shuningdek, boshqa tashkilotlarning faoliyatini takomillashtirish bo‘yicha tavsiyalar berish;

Fuqarolarning o‘zini o‘zi boshqarish organlari faoliyatini samarali tashkil etishga ko‘maklashish;

Axborot-tahliliy materiallarni tayyorlash va dasturiy hujjatlarni ishlab chiqish uchun davlat boshqaruvi organlari, xo‘jalik birlashmalarining, shuningdek, ilmiy tashkilotlarning yuqori malakali mutaxassislarini jalb qilish.

Tumanlar (shaharlar) bo‘limlari o‘z vakolatlari doirasida o‘zlariga yuklangan vazifalardan kelib chiqqan holda, boshqa huquqlarga ham ega bo‘lishi mumkin. Tumanlar (shaharlar) bo‘limlari:

O‘ziga yuklangan vazifalar va funksiyalar sifatli hamda o‘z vaqtida bajarilishini ta’minlash;

O‘z faoliyati bilan bog‘liq bo‘lgan prognoz ko‘rsatkichlarga erishishni ta’minlash;

Hududiy boshqarmalar, mahalliy ijro etuvchi hokimiyat organlariga kiritilayotgan hujjatlar loyihalari va takliflar, shuningdek, tumanlar (shaharlar) bo‘limlari tomonidan qabul qilinadigan qarorlarning amalga oshirilish sifati, pirovard natijalari va oqibatlari;

Hududlarda aniqlangan muammolarni har tomonlama va chuqur tahlil qilish hamda umumlashtirish asosida tumanlar (shaharlar) mahalla va oilani qo‘llab-quvvatlash masalalari bo‘yicha takliflar tayyorlash;

O‘z faoliyatini rivojlantirish, muammoli masalalarni hal qilish bo‘yicha dasturlar, tadbirlar rejalari, “yo‘l xaritalari” va boshqa dasturiy hujjatlarning tumanlarda (shaharlarda) samarali amalga oshirilishi;

Fuqarolarning o‘zini o‘zi boshqarish organlarining huquqlari va qonuniy manfaatlari himoya qilinishi hamda ularga rioya etilishi uchun javob beradi.

Vazirlikning o‘z vakolatlari doirasida qabul qilingan qarorlari davlat organlari, mahalliy ijro etuvchi hokimiyat organlari, boshqa tashkilotlar va ularning mansabdor shaxslari, shuningdek, fuqarolar tomonidan bajarilishi majburiy hisoblanadi.

Vazirlikning hududiy boshqarmalari o‘z vakolatlari doirasida davlat boshqaruvining boshqa organlari, mahalliy ijro etuvchi hokimiyat organlari, xo‘jalik birlashmalari va boshqa tashkilotlar bilan o‘zaro hamkorlik qiladi.

N.Olimov vazirlik vakillarini uyiga kiritmadi va ular bilan suhbat qurishni ham istamadi. N.Olimov bunga qonuniy haqlimi ?

Har kim o‘z sha’ni va obro‘siga qilingan tajovuzlardan, shaxsiy hayotiga aralashishdan himoyalanish va turar joyi daxlsizligi huquqiga ega¹. Hech kim qonun nazarda tutgan hollardan va tartibdan tashqari birovning turar joyiga kirishi, tintuv o‘tkazishi yoki uni ko‘zdan kechirishi, yozishmalar va telefonda so‘zlashuvlar sirini oshkor qilishi mumkin emas. Biroq qonunda belgilangan holatlar bundan mustasno. Jinoyat protsessual kodeksining 158-moddasiga asosan surishtiruvchi va tergovchi biror turar joy, xizmat, ishlab chiqarish binosida yoki o‘zga joyda yoxud biror shaxsda ish uchun ahamiyatli bo‘lgan narsa yoki hujjatlar bor deb o‘ylash uchun yetarli ma’lumotga ega bo‘lgan taqdirda tintuv o‘tkazishga haqlidir. Bu vaziyatda u vazirlik vakillarini kiritmaslikka haqli edi. Lekin Ichki ishlar organlari vakillarini u kiritishi kerak. Bu vaziyatda uning qarshilik qilishi Ichki ishlar organi xodimining qonuniy talabini bajarmaslik hisoblanadi.Bu Ma’muriy javobgarlik to‘g‘risidagi kodeksining 192-moddasini buzish hisoblanadi.

Xulosa qilib aytadigan bo‘lsak, yuqoridagi vaziyatda Fuqarolarning o‘zini o‘zi boshqarish organi mazkur oilani notinch oila sifatida ro‘yxatga olishi kerak. Turar-joy daxlsizligi Olimovning konstitutsiyaviy huquqi hisoblanadi, lekin qonunda nazarda tutilgan hollarda u o‘z uyida tintuv o‘tkazishga ruxsat berishga majbur. U Ichki ishlar organining tegishli joyga borish qonuniy talabini bajarmagan va MJtKning 192-moddasida nazarda tutilgan huquqbuzarlikni sodir etgan.