Konstitutsiyaviy huquq kazus javoblari

KONSTITUTSIYAVIY HUQUQ KAZUS JAVOBLARI
1.Ўзбекистон Республикаси Конституциясининг қабул қилинишига бағишланган давра суҳбатида Конституциянинг предмети ким эканлиги ҳақида баҳс юзага келди. Биринчи гуруҳ вакилларининг фикрича, Конституция олий қонун ҳужжати бўлганлиги туфайли унинг субъекти парламент ҳисобланади, Конституцияга ўзгартириш ва қўшимчалар Ўзбекистон Республикаси Олий Мажлиси томонидан амалга оширилади, бинобарин, Конституциянинг субъекти албатта парламент ҳисобланади. Иккинчи гуруҳ Конституция норматив ҳужжат бўлиши билан бирга ижтимоий-сиёсий ҳужжат ҳамдир, бундан ташқари, у қабул қилинишидан олдин бир неча маротаба халқ муҳокамасига тақдим этилган ва шунинг учун ҳам Ўзбек халқи Конституциянинг субъекти деган фикрни илгари сурди. Муҳокама давомида томонлар ўз нуқтаи назарларини Конституциянинг ўзига хос хусусиятларидан келиб чиқиб исботлашга ҳаракат қилдилар.
Ўзбекистон Республикаси Конституциясини яратиш жараёнини муҳокама қилинг.
Har qanday davlatning bosh qonuni Konstitutsiya hisoblanadi. Konstitutsiya so‘zi lug‘aviy jihatdan "Nizom", "Qoidalar to‘plami" degan ma’nolarni anglatadi. Lekin mazmun-mohiyatiga ko‘ra, ushbu hujjat mamlakat, uning fuqarolari hayotida juda muhim va katta ahamiyatga ega ekanligini alohida e’tirof etish joiz.
Mamlakatimiz Bosh Qomusida jamiyat va davlat, davlat hokimiyati va boshqaruv organlari tuzilish hamda faoliyatining asosiy prinsiplari, ularning vakolatlari, fuqarolarning asosiy huquq va burchlari, jamiyat va shaxs o‘rtasidagi munosabatlari belgilab berilgan. Amaldagi barcha qonunlar va boshqa hujjatlar Konstitutsiya negizida va unga muvofiq tarzda qabul qilinadi.
Ta’kidlash kerakki, 1992 yil 8 dekabrda XII chaqiriq O‘zbekiston Respublikasi Oliy Kengashining XI sessiyasida qabul qilingan Konstitutsiyamiz mamlakatimizda huquqiy-demokratik davlat qurish va erkin fuqarolik jamiyatini barpo etishning huquqiy poydevori bo‘lib xizmat qilmoqda.
O‘zbekiston Respublikasi Konstitutsiyasi 6 bo‘lim, 26 bob, 128 moddadan iborat bo‘lib, unda mamlakatimizning huquqiy, demokratik jihatdan rivojlantirishning asosiy prinsiplari belgilangan.
Konstitutsiyamiz xalqaro tashkilotlar va ekspertlar tomonidan e’tirof etilganligi esa davlatimizning dunyo hamjamiyatidagi nufuzini oshirmoqda va mustahkamlamoqda. Bir so‘z bilan aytganda, Bosh Qomusimiz "Kuchli davlatdan - kuchli fuqarolik jamiyatiga o‘tish"ning mustahkam huquqiy poydevori bo‘lib xizmat qilmoqda.
“O‘zstandart” agentligi va uning tizim-tashkilotlarida mazkur sana munosabati bilan davra suhbatlari va seminarlar tashkil etilmoqda.
Asosiy maqsad esa xodimlarga hayotimiz qomusining mazmun-mohiyatini yanada teran anglashlariga ko‘maklashishdan iboratdir.
Shu o‘rinda Suveren O‘zbekistonning birinchi Konstitutsiyasini tayyorlash, muhokama etish, qabul qilish va uning amal qilishi yo‘lidagi 10 ta huquqiy qadamni bu boradagi eng muhim tarixiy voqealar sifatida sanab o‘tish lozim. Zotan, Konstitutsiyani yaratish tarixi – bu mustaqillik uchun kurashning uzviy tarkibiy qismidir.
Konstitutsiyani yaratish yo‘lidagi birinchi huquqiy qadam – o‘zbek tiliga davlat tili maqomi berilishidir.
Konstitutsiyani yaratish yo‘lidagi ikkinchi huquqiy qadam – Prezidentlik instituti ta’sis etilishi va yangi davlat ramzlarini tayyorlash bo‘yicha komissiya tuzilishi bilan bog‘liq.
Konstitutsiyani yaratish yo‘lidagi uchinchi huquqiy qadam –“Mustaqillik deklaratsiyasi”ning e’lon qilinishidir.
Konstitutsiyani yaratish yo‘lidagi to‘rtinchi huquqiy qadam –Konstitutsiyaviy komissiyaning tashkil etilishiga borib taqaladi.
Konstitutsiyani yaratish yo‘lidagi beshinchi huquqiy qadam – Birinchi Prezidentimizning Hindistonga 1991 yilgi tashrifi bilan chambarchas bog‘liq
Konstitutsiyani yaratish yo‘lidagi oltinchi huquqiy qadam – Davlat mustaqilligining e’lon qilinishidir.
Konstitutsiyani yaratish yo‘lidagi yettinchi huquqiy qadam – 1991 yil 29 dekabrda Prezident saylovi va Davlat mustaqilligi to‘g‘risidagi referendumning o‘tkazilishiga taalluqli.
Konstitutsiyani yaratish yo‘lidagi sakkizinchi huquqiy qadam – birinchi Konstitutsiya loyihasining ilk bor matbuotda umumxalq muhokamasi uchun e’lon qilinishidir.
Konstitutsiyani yaratish yo‘lidagi to‘qqizinchi huquqiy qadam – Konstitutsiya loyihasining ikkinchi marta matbuotda umumxalq muhokamasi uchun e’lon qilinishidir.
Konstitutsiyani yaratish yo‘lidagi o‘ninchi huquqiy qadam –Konstitutsiya loyihasining qabul qilinishidir.
Konstitutsiyani ishlab chiqish, muhokama etish va qabul qilish jarayoni Birinchi Prezidentimiz Islom Karimovning “Konstitutsiya davlatni davlat, millatni millat sifatida dunyoga tanitadigan Qomusnoma” bo‘lganligi, u “xalqimizning irodasini, ruhiyatini, ijtimoiy ongi va madaniyatini” aks ettirishi, uning “xalqimiz tafakkuri va ijodining mahsuli” ekani haqidagi hikmatli xulosalari to‘g‘ri va asoslangan ekanini yaqqol tasdiqlaydi.

2. Мўйноқ тумани маиший хизмат кўрсатиш касб-ҳунар коллежи ўқувчилари ўртасида футбол мусобақаси ўтказилди. Мусобақа бошланиши давомида ушбу тадбирда Ўзбекистон Республикаси ва Қорақалпоғистон Республикаси байроқлари кўтариб чиқилди. Лекин Ўзбекистон Республикаси давлат байроғининг ҳажми Қорақалпоғистон Республикаси байроғидан анча кичик эди. Коллеж раҳбари мусобақа бошланишига оз вақт қолганида бу ҳақида хабар топганлиги учун бу камчиликни тўғирлай олмади. Натижада турли ўлчамдаги миллий байроқлар кўтарилди. Бу ҳолатни ўргангач, ҳуқуқ-тартибот ходимлари коллеж директорини "Миллий байроқ тўғрисида"ги қонунни бузганликда айблади. Коллеж директори эса танлов ташкилотчилари, яъни - туман ҳокимлигини айблади.