Korxona xarakteristikasi “Uzsalaman” aktsiadorlik jamiyati qo’shma korxonasi

2.3 Mahsulot sifati tahlili
Sifat - umumiy tushuncha sifatida insonlarning ehtiyojlari va talablarini qondirish bilan asoslanuvchi mahsulot, material, ish turi, mehnat, xizmatlar va shu kabilarning xususiyatlari hamda xususiy belgilarining majmui bo’lib, ularni qo’yilgan talablar va o’z vazifalariga to’liq mos kelishi bilan baholanadi. Bunday moslik asosan standartlar, shartnomalar, kelishuvlar, iste’mol-chilarning talablari bilan aniqlanadi.
Sanoat tarmoqlarida ishlab chiqariladigan mahsulotning sifatini ifodalashda turli ko’rsatkichlar qo’llaniladi. Sifat ko‘rsatkichi o'lchovi turli tarmoqlarda ishlab chiqarilgan mahsulotni qanday maqsadda ishlatilishiga ko‘ra har xil bo’ladi. Mahsulot sifatini ifodalovchi eng asosiy ko‘rsatkich bu O‘zDST ko'rsatkichlaridir. Asosan keng iste’mol qilinadigan mahsulot sifati uning tarkibidagi foydali komponentlar darajasi (kolloriyasi, yog’lig’lik darajasi ) bilan o‘lchanadi.
Mahsulot sifatiga quyidagi omillar ta’sir qiladi:
-texnika va texnologiya holati va uning progressivligi;
-ishlab chiqarish va mehnatni tashkil etishni takomillashtirish;
-foydalanilayotgan xomashyo va materiallar sifati;
-ishchilarning malakasi va texnik tayyorgarlik darajasi;
-ishchi va xodimlarning mahsulot sifatiga javobgarligi va ularni moddiy rag‘batlantirish tizimini tashkil etilganligi.
Tahlilning vazifasi - ishlab chiqarilayotgan mahsulot sifati bo‘yicha reja bajarilishi darajasini o‘rganish, mahsulot sifatining o‘zgarishiga ta’sir qiladigan omillarni aniqlash, mahsulot sifatini korxona miqdor ko‘rsatkichlariga ta’sirini baholash bo’lib hisoblanadi.
Dastavval quyidagi 3-jadval ma’lumotlaridan foydalanib, ishlab chiqarilgan mahsulot sifati bo‘yicha rejaning bajarilishini tahlil qilamiz.
3-jadval

Mahsulot sortlari	Mahsulot birligi bahosi	Maxsulot ishlab chiqarish hajmi reja haqiqat
I	17000	20000	21000
II	14000	11300	13000
III	10000	9000	8000
Jami	41000	40300	42000