Korxonaning moddiy ba’zasi va ularni boshqarish moddiy ba’za haqida

Korxonaning asosiy vazifasi- ijtimoiy extiyojlarni yuqori iste’mol sifatlariga ega bo`lgan mahsulotlar bilan kam sarf qilib ta’minlanishi, buning asosida butun jamoa farovonligi, korxona mulki egasi manfaatlarini ta’minlashga erishishdir.

Bu vazifani amalga oshirish yo`lida korxona quyidagilarga erishishi lozim:

Bu vazifani amalga oshirish yo`lida korxona quyidagilarga erishishi lozim:

• Ishlab chiqarishning rivojlanishi va samaradorligi ortishi; uni har tomonlama jadallashtirish, fan-texnikani taraqqiy ettirish, mehnat unumdorligini oshirish, resurslarni tejash, foydani ko`paytirish;
• Jamoani ijtimoiy jihatdan rivojlantirish, ijtimoiy sohaning zamonaviy moddiy asosini shakllantirish, yuqori unumdor mehnat uchun imkoniyatlar yaratish, mehnatga qarab taqsimot tamoyilini amalga oshirish, atrof muhitni himoya qilish va yaxshilash;
• Mehnat jamoasining o`z-o`zini boshqarish, har bir ishlovchini davlat, jamoa, xususiy mulkdan haqiqiy mulkdor sifatida foydalanishga qiziqtirish, shuningdek, ularda jamoa va davlat ishlariga qiziqish uyg`otish.

Korxonalarni ta’sis etish va ro`yxatga olish tartibi

Korxona, odatda, mulk egasi yoki uning vakili bo`lgan tashkilot, korxona, muassasa qarori bilan, yo bo`lmasa, jamoa qarori bilan ta’sis etiladi. Korxona mulki egasi rozi bo`lgan holda va korxona tomonidan avval olingan majburiyatlarni bajargan holda, tashkilotlarning bir yoki bir necha bo`linmasi shu bo`linma jamoasi qarori bilan ajralib chiqishi mumkin. Korxonani ta’sis etish va uning faoliyatini yuritish uchun yer maydoni ajratish,zarur bo`lgan holda tabiiy resurslardan foydalanish uchun ruxsat tuman yoki shahar hokimliklari tomonidan beriladi. Korxona davlat ro`yxatidan o`tgan kundan boshlab ta’sis etilgan va yuridik shaxs huquqiga ega bo`lgan xisoblanadi.

Davalat ro`yxatidan o`tish tuman, shahar hokimliklarida amalga oshiriladi. Korxona davlat ro`yxatidan o`tkazilganligi to`g`risida o`n kun muddat ichida moliya vazirligiga yagona davlat ro`yxatiga kiritish maqsadida e’tibor beriladi.