Kórsetpeler I. Ulıwmalıq qaǵıydalar

«Tastıyqlayman»
Qaraqalpaqstan Respublikası
Densawlıqtı saqlaw ministiri
__________ M.I.Qurbanov
“_____” _____________ 2023-jıl

Xalıqtıń profilaktikalıq medicinalıq kárikleri hám patronaj xizmetin ótkeriw júzesinen medicina brigadasınıń AKUSHERKAsı iskerligi tuwrısındaǵı
Kórsetpeler


I. Ulıwmalıq qaǵıydalar

1. 
   Xalıqtıń profilaktikalıq medicinalıq kórikleri hám patronaj xizmetin ótkeriwde medicina brigadasınıń shańaraq (patronaj) miyirbiykesi (keyingi orınlarda – shańaraq miyirbiykesi) iskerliginiń jańalanǵan tártibi Ózbekstan Respublikası Prezidentiniń 25.04.2022 jıldaǵı “Birlemshi medicinalıq-sanitariya járdemin xalıqqa jaqınlastırıw hám medicinalıq xizmetler ónimdarlıǵın asırıw boyınsha qosımsha is-ilajlar tuwrısında”ǵı PQ-215-sanlı Qararı orınlanıwın támiynlew maqsetinde Ózbekstan Respublikası Densawlıqtı saqlaw ministiriniń 27.07.2022 jıldaǵı 210-sanlı hám 26.09.2022 jıldaǵı 263-sanlı buyrıqları talapları tiykarında islep shıǵıldı.
   
2. 
   Kórsetpe Qaraqalpaqstan Respublikası Densawlıqtı saqlaw ministirligi sistemasındaǵı birlemshi medicinalıq-sanitariya járdemi mekemelerinde (keyingi orınlarda – mekeme) xalıqtıń profilaktik kórigi hám patronaj xizmetin (keyingi orınlarda – profilaktikalıq ilajlar) ótkeriw tártibin belgileydi.
   
3. 
   Tiykarǵı maqset – xalıqqa kórsetilip atırǵan profilaktik ilajlardı qolaylastırıw, keselliklerdi keltirip shıǵarıwshı faktorlardı erte anıqlaw hám olardı saplastırıw ilajların kóriw, fertil jasındaǵı hayallar, hámiledarlar, balalar menen birgelikde ózgeler itibarına mútaj bolǵan shaxslar, jalǵızlar, nágiranlar, sozılmalı keselligi bar, sociallıq qorǵawǵa mútaj bolǵan nawqaslardı sistemalı patronaj xizmeti menen qamtıp alıw ilajların jánede jetilistiriw sonday-aq, patronaj xizmeti iskerligin tártipke salıwdan ibarat.
   

II. Tiykarǵı túsinik hám jónelisler

4. 
   Medicina brigadasınıń akusherkası (Keyingi orınlarda – akusherka) - “joqarı miyirbiykelik isi”, “ulıwmalıq ámeliyat miyirbiykesi”, “feldsher”, “medicina miyirbiykesi”, “akusherka”, kásiplik jónelisleri boyınsha arnawlı medicinalıq maǵlıwmatqa iye bolǵan yaki «medicina brigadası akusherkası» dástúri boyınsha diplomnan keyingi qaniygeligin tabıslı ótken diplomlı qaniyge bolıp tabıladı.
   

Akusherka jumıs iskerliginde biriktirilgen xalıq arasındaǵı hayallar kontigentine, atap aytqanda, tuwıw jasındaǵı hayallar hám qızlar, hámiledarlar, jaqında tuwǵan hayallar medicinalıq-sanitariya járdemin kórsetedi.
Akusherka shańaraqlıq shıpaker yáki medicina brigadasınıń basqa aǵzaları hámde ózi mustaqıl ráwishde shańaraqlıq shıpakerdıń tuwrıdan-tuwrı qadaǵalawı astında iskerlik júritedi.
Akusherka óz jumıs iskerliginde shólkemlestirilgen-stilistik máseleler boyınsha tuwrıdan-tuwrı qadaǵalap barıwshı shańaraqlıq shıpakerge hám ulıwmalıq ámeliyat miyirbiykesine, arnawlı miyirbiykelik isi máseleleri boyınsha – bas, úlken miyirbiyke/feldsherge hámde mekemeniń ulıwmalıq máseleler boyınsha bolsa mekemeniń basshısına boysınadı.
Sonday-aq, óz iskerligin mekemeniń akusher ginekologı hám onıń akusherkası menen tuwrıdan-tuwrı sheriklikde alıp baradı, tiyisliligi boyınsha olardıń tapsırmalarında orınlaydı.
Akusherka óz iskerligin Ózbekistan Respublikasınıń ámeldegi nızamshılıǵı, Ózbekstan Respublikası Densawlıqtı saqlaw ministirligi buyrıq hám kórsetpeleri, tiyisli Densawlıqtı saqlaw aymaqlıq organları, rayon/qala medicina birlespesi hám emlew-profilaktika mekemesi basshısınıń buyrıq hám kórsetpeleri, sonday-aq usı Kórsetpege kóre ámelge asıradı.
Akusherkanı lawazımǵa tayınlaw hám lawazımnan azat qılıw ámeldegi miynet nızamshılıǵında belgilengen tártipte, mekeme basshısı tárepinen ámelge asırıladı.