Kórsetpeler I. Ulıwmalıq qaǵıydalar

III. Akusherkanıń lawazımlıq wazıypaları

5. 
   Shańaraq shıpakeri basshılıǵında, medicina brigadasınıń basqa aǵzaları menen birgelikde medicina brigadasınıń aldaǵı wazıypaları hám lawazım wakilligi sheńberinde jıllıq rejeni dúziw hám onnan kelip shıǵıp, óziniń aylıq, háptelik hám kúnlik wazıypaların belgilew.
   
6. 
   Rejelestirilgen wazıypalardan kelip shıǵıp, tómendegilerdi ámelge asırıw:
   

Hámiledar, tuwıwdan keyingi dáwirdegi hayallarge universal-progressiv model boyınsha patronajın ámelge asırıw;
Hámiledar hayallardı 12 háptege shekem esapqa alıw, antenatal kóriklerge shaqırıw hám shańaraq shıpakerı menen birgelikde qabıllawdı ámelge asırıw;
Násillik kesellikler hám tuwma kemshiliklerdi erte anıqlaw maqsetinde hámiledar hayallardiń prenatal skriningden óz waqtında hám tolıq ótiwlerin qadaǵalaw;
Qalenbegen hámiledarlıqdı aldın alıw maqsetinde járdemge mútaj hayallardi kontraceptiv zatlar menen qamtıp alıw ilajların kóriw, akusher-ginekolog kórigine shaqırıw, kontraceptiv zatlardan paydalanatuǵın fertil jasdaǵı hayallar monitoringin júritiw;
Qáwip toparına tiyisli hayallar arasında skrining tekseriwlerin ámelge asırıw, sorawnama hám kóriklerdi ótkeriw, hayallardiń procesinen tolıq ótiwin qadaǵalaw;
Reproduktiv salamatlıqtı qorǵaw, erte hám kesh hámiledarlıq hámde qalenbegen hámiledarlıqdı aldın alıw máselelerinde hayallar, óspirim qızlar hám olardıń anaları menen sáwbet hám ushırasıwlar ótkeriw, bul máselelerde “Qızlar salamatlıq orayı” menen sheriklikte iskerlik júrgiziw;
Hámiledar, tuwǵan hayallarda ómirge qáwip salatuǵın jaǵdaylar faktorların anıqlaw hám bul nawqaslar/shańaraqlar ushın individual gúzetiw rejesin dúziw;
Óz wákilligi sheńberinde nawqaslarǵa shıpakerge shekem birlemshi medicinalıq járdemdi kórsetiw hám zárúr jaǵdaylarda shańaraqlıq shıpaker, akusher-ginekologdı shaqırıw.


IV. Akusherkanıń huqıq hám májbúriyatları

7. 
   Akusherka tómendegi huqıqlarǵa iye:
   

Mekeme basshısı hám shańaraq shıpakeri, úlken miyirbiyke/feldsherge miynetti shólkemlestiriw, zárúr dári-darman quralları, ósbap-úskeneler, medicinaǵa tiyisli buyımlar menen támiynlew máseleleri boyınsha, sonday-aq óz wákilligi sheńberinde xalıqqa kórsetiletuǵın emlew-profilaktika járdemin jaqsılaw máseleleri boyınsha usınıslar beriw;
Biriktirilgen aymaqda emlew-profilaktika hám shólkemlestiriw máseleleri boyınsha jıynalıslar (májlisler)da qatnasıw;
Óz kásiplik bilim hám kónlikpelerdi óz ústinde úzliksiz islew, densawlıqtı saqlaw basqarıw organları tárepinen shólkemlestiriletuǵın qısqa múddetli oqıw kursları hám seminarlarda, sonday-aq tájiriybe arttırıw kurslarında qatnasıwdı rawajlandırıw.
Óz tájiriybe qatlamına múnasip ekenligin tastıyıqlaw ushın hár bes jılda bir márte attestaciyadan ótiw.
Akusherka óz wazıypasın orınlaw dáwirinde bul Kórsetpeler talapları menen belgilengen wazıypalardı óz waqtında hám tolıq orınlawǵa májbúr bolıp esaplanadı.
Akusherka xalıqqa birlemshi medicinalıq-sanitariya járdemin kórsetiwde tutınıwshı huquqınıń ayaq astı bolmawın támiynlew, nawqas sırınıń saqlanıwına erisiw, tutınıwshı hám kásipleslerine jaqsı múnásibette bolıwı kerek.