1.6-rasm. Korxonalarning shakllari.
Tijorat faoliyati orqali firmaning bozordagi iste’molchi - kontragent bilan aloqasi yuzaga keladi. Agar bu aloqa milliy kontragentlar tomonidan qo‘llab- quvvatlansa, u firmaning mamlakat ichkarisidagi iqtisodiy, tijorat faoliyati hisoblanadi. Agar bu aloqa xorijiy kontragentlar tomonidan qo‘llab-quvvatlansa, u firmaning tashqi iqtisodiy faoliyati hisoblanadi. U firmalar tomonidan eksport-import operatsiyalarini o‘tkazish va chegara ortidagi ishlab chiqarish va savdo faoliyatini boshqarishga yo‘naltirilgan.
Korxonalar tijorat faoliyati - bozorda almashinuv operatsiyalarini amalga oshirish bilan bog‘liq masalalar yechimini ta’minlovchi tashkiliy tuzilmalar va alohida firmalarning ish yuritish doirasidir. Bu faoliyatni amalga oshirishda korxona tijorat ishi amaliyotning murakkab shakl va uslublaridan foydalaniladi. Shu tarzda korxonalar tijorat faoliyatining asosiy mazmuni tijorat operatsiyalari o‘tkazish yo‘li bilan tovarlar, xizmatlar va fan-texnika va ishlab chiqarish hamkorligi natijalarini almashtirishdan iborat ekanligini aniqlash mumkin.
Korxona tijorat operatsiyalari obyektlari boshqaruv operatsiyalari kabi tovarlar, xizmatlar, ishlab chiqarish va ilmiy-texnik hamkorlik natijalarini almashtirishni o‘zida aks ettiruvchi moddiy jarayonlar hisoblanadi. Bu obyektlar bozorda amalga oshiriladigan tijorat operatsiyalari ko‘rinishlarini aniqlashga yordam beradi.
Korxona tijorat operatsiyalarini ikkiga bo‘lish mumkin:
Asosiy tijorat operatsiyalariga turli mamlakatlarda joylashgan kontragentlar (bevosita ishtirokchilar) o‘rtasida o‘zaro ayriboshlash asosida amalga oshiriladigan operatsiyalar kiradi, ta’minlovchi tijorat operatsiyalariga esa, tovarning sotuvchidan xaridorgacha bo‘lgan harakati bilan bog‘liq operatsiyalar kiradi.
Do'stlaringiz bilan baham: |
