Kurs ishining tuzilishi

Kurs ishining tuzilishi.
Mavzuni talagandan so’ng talaba kurs ishini tayyorlash bo’yicha vazifa oladi va kurs ishi rejasini tuzib reja bo’yicha ishlashni boshlaydi.
Kurs ishi besh qisimdan iborat bo’ladi:

• 
  Kirish
  
• 
  Asosiy qism
  
• 
  Xulosa
  
• 
  Ilova
  
• 
  Foydalanilgan adabiyotlar ro’yxati
  

Kirish qismida kurs ishining maqsadi va tanlangan mavzu bo’yicha adabiyotlar sharhini o’z ichiga oladi.
Asosiy qismda mavzu keng eritiladi va hal etilishi rejalshtirilgan muammolar hal etiladi.
Xulosa qismda talaba kurs ishining asosiy qismida hal etilgan muammolar bo’yicha fikr bildirib o’z xulosalarini bayon etadi.
Kurs ishini rasmiylashtirish
Kurs ishi talabaning ijodiy ishi hisoblanadi, shu bois ham u bexato va did bilan rasmiylashtirilishi zarur.
Kurs ishining titul varag’i bo’lishi, bo’limlar sarlavhalangan va sahifalar raqamlangan bo’lishi kerak. Turli manbalardan olingan ma’lumotlarga usha sahifani o’zida izoh (snoska) berilishi zarur. Ma’lumot internet manbalaridan olingan bo’lsa albatta sayt nomi ko’rsatiladi. Kurs ishining hajmi 30 betdan iborat bo’lishi talab etiladi.
Adabiyotlar ro’yhati alfavit tartibida yoziladi. Mavzuga oid ilovalar tayyorlanadi. Ishning so’ngida raqamlangan sahifaga mos keladigan ishning rejasi (mundarijasi) aks ettiriladi.
Kurs ishi himoyasi
Talabaga vazifa bergan ilmiy rahbar vazifa bajarilganligini tekshiradi va opponent taqrizi olingandan keyin ishni himoya qilishga ruxsat beradi.
Kurs ishi himoyasida kafedra o’qituvchilari va talabalar ishtirok etadi. Talaba ishini himoya qilishi uchun 5-7 daqiqa vaqt beriladi. Shu vaqt ichida talaba ishining maqsad va vazifasi, unda hal qilingan muammolar haqida taqdimot qiladi. (Taqdimot CD diskda bo’lishi talab etiladi) O’qituvchilar va talabalar savol berib to’liq javob olish huquqiga egalar.