Курс ишлари вариантлари

ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ

АХБОРОТ ТЕХНОЛОГИЯЛАРИ ФАКУЛЬТЕТИ

“Информатика ва компьютер
графикаси” кафедраси

И Н Ф О Р М А Т И К А

ФАНИДАН КУРС ИШИНИ БАЖАРИШ УЧУН

УСЛУБИЙ ҚЎЛЛАНМА

ТОШКЕНТ 2008

Кириш

Информатика фани ахборот технологиялари факультетининг барча йўналиш талабалари учун Турбо Паскаль ва С++ тилида программалаштириш бўйича курс ишини бажариш билан якунланади. Бу талабалар билимини мустақил вазифалар орқали текшириш имкониятини беради.

Курс иши материаллари назарий ва амалий қисмлардан иборат бўлиб, бадиий техник жихатидан тушунарли қилиб ёзилган, мантиқан тўғри ва натижага эга бўлиши керак. Курс ишини топширмаган (химоя қилмаган) талаба информатика фанидан якуний назоратга қўйилмайди. Курс ишининг матни компьютерда Word матн мухаррирлари ёрдамида ёзилган, блок-схемалари ҳам чизилган, дастурлари ҳам келтирилган ҳолда топширилади. Курс ишига унинг электрон кўриниши ҳам илова сифатида қўшилади (дискет ёки дискда).
Курс иши қуйидаги бўлимлардан ташкил топиши керак:

• 
  Кириш
  
• 
  Назарий қисм
  
• 
  Масаланинг алгоритми
  
• 
  Дастури
  
• 
  Дастурнинг натижаси (изоҳлари билан)
  
• 
  Фойдаланилган адабиётлар
  

1. 
   КУРС ИШИНИ БАЖАРИШ ТАРТИБИ
   

Талаба курс иши мавзусини, яъни ишнинг номини, уни ечиш усули ва керакли адабиётларни илмий рахбардан олади. Шу билан бирга рахбар курс ишини бажариш тартибини тушунтириши, уни топшириш (химоя қилиш) вақтини, маслаҳат кунларини тайин қилиши лозим.

Талаба кафедра ўқитувчисидан, яъни курс иши рахбаридан маслахат олиши, курс ишининг натижасини олиш учун университетдаги компьютер залларидан ва электрон кутубхоналаридан фойдаланиш ҳуқуқига эга.

1. 
   Адабиётларни танлаш. Масалани ечиш усулини ўрганиш.
   

Курс ишининг мавзусини танлашда талабанинг математика фанидан олган билимини ҳисобга олиш зарур (масалан, мактабда ёки ўтган семестрлар давомида). Иловада келтирилган адабиётлардан энг кераклиси, яъни усуллар тўлақонли ёритилгани танланади

2.