Kuvanova Shahnoza Omonovna nemis tili fanidan mukammal qo‘llanma

24////////////////15 – MAVZU: NISBAT KATEGORIYASI
(DIE KATEGORIE DES GENUS)

Nisbat kategoriyasi fe’l ifodalagan harakat bilan uning sub’ekti

va ob’ekti orasidagi o‘zaro munosabatni ko‘rsatadi.Nemis tilida fe’llar aniq nisbat (das Aktiv), majhul nisbat(das Passiv), holat nisbat (das Stativ) da bo‘ladi.Nemis tilida uch tur fe’l nisbatining farqini , ularning hammasidan ma’lum bir fe’lning qo‘llanishi va uning o‘zgarishidan anglab olish mumkin:
Man öffnet die Tür (Aktiv).
Die Tür wird (von jemand) geöffnet (Passiv).
Die Tür ist geöffnet (Stativ).
Aniq nisbatda ish-harakat ega tomonidan bajarilib, to‘ldiruvchiga qaratiladi.
Aniq nisbatda istalgan o‘timli yoki o‘timsiz fe’l qo‘llanishi mumkin.
Der Vater schreibt einen Brief.
Majhul nisbatda esa, ish-harakat to‘ldiruvchi tomonidan bajarilib, gapning egasiga qaratilgan bo‘ladi.Majhul nisbat faqat o‘timli fe’llarga xosdir.
Der Brief wird vom Vater geschrieben.
Biroq haben, besitzen, bekommen, erhalten, kriegen, erfahren, wissen, wünschen, kosten, interessieren, kennen kabi o‘timli fe’llardan passiv forma yasalmaydi.


24.1 Passivning yasalishi
(Die Bildung des Passivs)

Nemis tilida majhul nisbat ham aniq nisbat kabi olti zamon formasi va ikki infinitivga ega.Majhul nisbatning hamma zamon formalari qo‘shma bo‘ladi, chunki ular werden yordamchi fe’li hamda mustaqil fe’lning sifatdosh II shaklidan yasaladi.Majhul nisbatda turgan fe’lning shaxsi, soni, zamoni werden yordamchi fe’liga qarab aniqlanadi.

Präsens Passiv werden yordamchi fe’lining presensi va mustaqil fe’lning sifatdosh II shaklidan yasaladi:

Singular	Plural
ich werde gelesen du wirst gelesen er wird gelesen	wir werden gelesen ihr werdet gelesen sie werden gelesen Sie werden gelesen

Der Brief wird gelesen- Xat o‘qilyapti.