- Характеристик частоталар ичида карбонил гуруҳининг частотаси юқори интенсивлиги ва қиймати билан ажралиб туради, унинг ютилиш соҳаларида бошқа функционал гурухлар ютилиш частоталарини ҳосил қилмайди. Карбонил гуруҳининг валент тебраниш қиймати 1580-1900 см-1 оралиғида ётади. Бундай катта оралиқда частота қийматларининг намоён бўлишига молекуланинг фазовий тузилиши мезомер ва индуктив таъсирлар, модданинг агрегат ҳолати ҳамда эритувчининг қутбли ёки қутбсизлиги сабабчи бўлади. Карбонил гуруҳининг ютилиши фақат СО боғининг узайиши билан содир бўлмасдан, балки ундаги боғлар орасидаги бурчакнинг қийматлари ва унинг атрофдаги боғлар табиати ҳам сабаб бўлади.
Азотли органик бирикмаларнинг ИҚ спектрлари - Инфрақизил спектроскопия аминобирикмаларнинг тузилишини ўрганишда муҳим маълумотлар берадиган услубдир. Аминларнинг ютилиш частоталари 3500-3300 см-1, 1650-1500 см-1 ва 1360-1000 см-1 соҳаларда намоён бўлади, бу соҳалар аминогуруҳнинг турли хил тебранишига тегишли бўлган ютилиш частоталари ҳисобланади. Частоталар қиймати аминогуруҳнинг турига, қандай гуруҳлар билан боғланганига ва молекулада водород боғининг бор ёки йўқлигига ҳам боғлиқ
Галоген тутган органик бирикмаларнинг ИҚ спектрлари - Суюқ ва эритма ҳолдаги галогенли бирикмалар 750-700 см-1 соҳада ютилиш частотаси ҳосил қилиш билан бир қаторда 690-650 см-1 да иккинчи частота беради. Бунга асосий сабаб бу бирикмаларда транс ва гош туридаги айланма фазовий изомерларнинг мавжудлигидир. Агар галоген атоми циклогексан халқасида бўлса, улар аксиал ёки экваториал ҳолатда жойлашиши мумкин, шунинг учун ҳам уларнинг частота қийматлари ҳам ҳар хил бўлади.
Гетерохалқали бирикмаларнинг ИҚ спектрлари - Тўйинмаган гетерохалқали бирикмалар ИҚ спектрида ўзига хос частоталар берадиган синфларга киради.
- CH 3000 см-1
- CC 1565-1500 см-1
- C-O 1030-1015 см-1
Do'stlaringiz bilan baham: |
