Лаборатория ишларини бажаришда техника

Ғовакли тўлдирувчиларнинг маркасини уйма зичлиги
бўйича аниқлаш (2-соат)


1. Ишнинг мақсади. Ғовакли тўлдирувчиларнинг маркасини уйма зичлиги бўйича аниқлаш ва уларни енгил бетонлар учун ишлатиш чегарасини белгилаш.
2. Ишни бажариш учун керакли жихозлар, ускуна ва матери- аллар. Техник тарози, стандарт идишлар, қуритиш шкафи, ғовакли тўлдирувчилардан намуналар (4-хил).
3. Ишни бажариш учун кўрсатмалар. Ғовакли тўлдирувчи- ларнинг маркасини уйма зичлиги бўйича аниқлаш учун, аввало уларнинг уйма зичлиги топилади. Бунинг учун доимий массагача қуритилган ғовакли тўлдирувчилардан доналарининг майда йирик- лигига қараб 1-10 л олинади. Тўлдирувчининг ҳажмини аниқлаш учун олдиндан массаси ва ҳажми маълум бўлган идиш олиниб унга 100 мм баландликдан тўлдирувчи солиниб тўлдирилади ва идишнинг массаси (тўлдирувчи билан биргаликда) ўлчаб кўрилади.
Ғовакли тўлдирувчиларнинг уйма зичлиги қуйидаги формула орқали аниқланади:
ρ_ғm=(m₂-m₁) /V (8.1)
бу ерда m₁-бўш идишнинг массаси, г; m₂-идишнинг тўлдирувчи билан тўлдирилгандаги массаси, г; V-идишнинг ҳажми, см³.
4. Ишни расмийлаштириш. Тажриба ва ҳисоблаш натижалари қуйидаги 8.1- жадвалга киритилади.
8.1-жадвал

№	Ғовакли тўлдирувчи хили	Тўлдирувчи массаси, г			Идиш ҳажми, см^3	Тўлдирувчи уйма зичлиги, г/см^3
		Бўш идишнинг массаси	Идишнинг тўлдирувчи билан биргаликда массаси	Тўлдирувчи массаси
1	Керамзит
2	Аглопорит
3	Перлит
4	Пемза

Аниқланган уйма зичликка асосан ғовакли тўлдирувчиларнинг маркаси 8.2- жадвал талабалари бўйича аниқланади.

8.2-жадвал

Тўлдирувчиларнинг уйма зичлик бўйича маркаси	Тўлдирувчиларнинг уйма зичлиги, кг/м^3
250	250 гача
300	250 дан 300 гача
350	300 дан 350 гача
400	350 дан 400 гача
500	450 дан 500 гача
600	500 дан 600 гача
700	600 дан 700 гача
800	700 дан 800 гача
900	800 дан 900 гача
1000	900 дан 1000 гача
1100	1000 дан 1100 гача
1200	1100 дан 1200 гача

5. Натижалар бўйича хулоса қилиш
_{_________________________________________________________________________________}
____________________________________________________
____________________________________________________
____________________________________________________
Назорат саволлари
1. Ғовакли тўлдирувчиларнинг ҳақиқий зичлиги қандай чегараларда бўлади?
2. Ғовакли тўлдирувчилар умумий ғоваклиги чегарасини айтиб беринг?
3. Ғовакли тўлдирувчилардаги ёпиқ (берк) ғоваклар ва бўшлиқлар миқдори қанча фоиз атрофида бўлади?
4. Ғовакли тўлдирувчиларнинг маркаси қандай маънони аннглатади?
5. Ғовакли тўлдирувчилар қандай мақсадларда қўлланилади?