Laboratoriyalıq jumıs №1

Laboratoriyalıq jumıs №5
Suyıqlıq -gaz shegara sırtı daǵı adsorbsiya. Qattı dene sırtındaǵı adsorbsiya. Adsorbentiń sirt júzesin anıqlaw.
Fazalar shegarası betindegi qubılıslar
Hár qıylı boyawlardıń eritpeden adsorbciyasın úyreniw
Reaktiv hám ásbap úskeneler: 0,02%-li kongo qızılı, 0,02%-li fukcin, 0,02%-li metil fioleti, 0,02%-li metilen kógi, 0,02%-li kaliy xromat eritpesi aktivlengen kómir 6 dana filtrlli sharshar, 6 dana 100 ml-lik stakan.
Aktivlengen komir adsorbentin tayarlaw. Bunıń ushın aǵash qıyındıların 50%-li cink xloridi eritpesi menen 1:2 qatnasta aralastırılıp úlken farfor tigelge salıp ústin qaqpaq penen jawamız hám onı gaz gorelkası ústine qoyıp yarım saat dawamında qızdıramız. Sońınan tigel suwıǵannan keyin tigel ishindegi zattı dáslep 10%-li duz kislotası eritpesi menen bir neshe ret, sońınan distillengen suw menen juwamız. Keyin onı jáne tigelge salıp, qaqpaǵın jawıp qısqa waqıt aralıǵında gaz gorelkasında tigel qızarǵanǵa deyin kúydiremiz.
Aktivlengen kómirde boyawlardıń adsorbciyasın ótkeriw.
Bunıń ushın 5 stakanǵa shama menen 50 ml átirapında kongo qızıl, fuksin, metil fioleti, metilen kógi hám kaliy xromatı eritpelerine quyıp hár bir stakanǵa shama menen 1 gr nan joqarıda tayarlanǵan aktivlengen kómirden salamız hám har bir stakandı jaqsılap shayqatıp biraz waqıt tınıshlıqta qoyıp, sońınan ishinde filtri bar sharsharǵa kuyamız, al bosagan stakanlar sharshar astına qoyıladı.
Filtrlenip shıqqan eritpelerdiń bári de ózleriniń reńlerin joǵaltıp, reńsiz jaǵdayǵa, yamasa hálsiz reńdegi suyıqlıqlarǵa ótedi.
Aktivlengen kómir óziniń júzinde reńli zatlardın molekulaların adsorbciyalap, boyawlı zatlardıń molekulaların ózinde uslap qaladı. Bul jerde adsorbciya tek fizikalıq xarakterge iye bolıp, bunda ximiyalıq kúshler qatnaspaydı. Bunı tastıyıqlaw ushın joqarıdaǵı paydalanǵan adsorbentler ústine aceton quysaq, adsorbciyalanǵan boyawlardıń desorbciyası bolıp ótip eritpe óziniń dáslepki reńlerin aladı.