Laboratoriyalıq jumıs №1

Zollerdi tazalatuǵın dializatorlar sxemaları

1 – suwret. Elektrodializator sxeması: M₁,M₂-membrana.

2-suwret. Dializator: 1-voronka; 2-jarım ótkizgish perde; 3-shiyshe ƒdƒs; 4-suw ótiwi ushın nayshe; 5-suwdı tógiw nayshesi; 6-avtomatik sifon.
Dializatordıń ishine tazalanbaǵan, jańa tayarlanǵan temirdiń gidrozolinen quyıp, ol distillengen suwı bar ıdısqa salınadı. Distillengen suwdıń tazalıǵı oǵan gúmis nitratı eritpesiniń bir - eki tamshısı tamızılıp tekseriledi. Sońınan aradan 10-15 minut ótkennen soń dializator salınǵan ıdıstaǵı suwdıń tazalıǵı joqarıdaǵıday gúmis nitratı eritpesi járdeminde tekserilip barıladı, yamasa distillengen suw aǵıp turatuǵın bolsa onıń tazalıǵı da hár 15-20 minuttan tekserip barıladı.
Dializatordı qorshap turǵan suwdıń reńi tájiriybe dáwirinde ózgermeydi, bul demek temir gidrooksidiniń kolloid bóleksheleri membrana arqalı ótpeytuǵınlıǵın bildiredi. Aradan 10-15 minut ótkennen soń tekseriw ushın alınǵan distillengen suwǵa gúmis nitratı tamızılǵanda aq shókpe payda bolıwı, dializatordıń ishinen xlor ionlarınıń membrana tesikshelerinen ótip atırǵanlıǵın bilidredi.
Tájiriybe qashan xlor ionlarına teris reakciya kórsetkenge deyin dawam etilip barıladı. Egerde tazalaw ushın quyılǵan distillengen suw aqpaytuǵın bolsa ol tez - tez ózgertilip turıladı, al aǵatuǵın bolsa hár 20-30 minuttan xlor ionı tekserilip barıladı.


Laboratoriyalıq jumıs № 2.
Dispers sistemalardıń elektrlik qásiyetleri. Bólekshe zaryadın anıqlaw. Elektroforez, elektroosmos.
Dispers sistemalarda elektroforez qubılısın úyreniw
Reaktiv hám ásbap úskeneler` saz ılay, qum, uzınlıǵı 4 sm átirapında bolǵan eki platina yamasa mıs elektrod, ózgermeli toqtı tuwırlaǵısh (vıpryamitel VSA - 10), diametri 10 sm átirapında kristallizator, eki dana uzınlıǵı 15 sm, diametri 12 mm bolǵan shiyshe trubka, 1 ml lik pipetka.
Saz ılay bóleksheleriniń elektroforezi boyınsha tájiriybeniń jaqsı ótiwi ushın saz ılaydan aldın ala qamır tayarlap alıw kerek. Bunıń ushın 200-300 gr neytral saz ılayǵa 250-300 ml 0,02 n KOH eritpesi azǵana porciyalar menen quyılıp jaqsılap aralastırılıp barıladı. Usı jol menen alınǵan saz ılay qamırı shiyshe kristallizatorǵa onıń beti menen teń etip salınadı hám beti sızǵısh penen tegislenedi.
Shama menen 5-10 gr mayda dárya qumı ishindegi hár qıylı qosımtalardan tazalanıw ushın dáslep kúkirt, duz kislotaları menen juwılıp sońınan distillengen suw menen jaqsılap juwılıp, keyin qurǵatıladı.
Kristallizatordaǵı saz ılay qamırınıń ústine ara qashıqlıqları bir-birinen 1-2 sm aralıqta 2 shiyshe trubka ornatıladı hám trubkanıń ishine súwrette kórsetilgendey etip 0,5 sm qalınlıqta juwılǵan dárya qumı salınadı.