Lekciya № Test dúziw hám test járdeminde bilimlerdi qadaǵalaw Reje

Juwabı qoyılatuģın test. Bunday test kóbinese eki usılda jazılıp, onda birinshi kolonnadaģı formula, túsinik yamasa sanlarģa tuwrı keliwshi juwaplar, ekinshi kolonnada berilgenlerden tabıladı.
Mısal. 1-kolonnadaģı formulalardıń qasına 2-kolonnadaģı juwaplardıń belgilengen atların jazıń:

1. 
   Al(OH)₃... A. Kislota
   
2. 
   Fe₂(SO₄)₃ B. Tiykar
   
3. 
   CaO C. Duz
   
4. 
   H₃PO₄... D. Oksid.
   

Alternatvi juwaplı test. Bunday testte berilgen soraw hám máselelerdiń xár birine úsh yamasa tórt alternativ juwaplar jazıladı hám latınsha A, V, C, D háripleri menen belgilenedi. Hárip penen belgilenetuģın juwaplardıń birewi durıs hám tolıq boladı. Juwaplardıń ekewi yamasa úshewi durıs bolģan xalda olar dáslep sanlar menen belgilenip, soń haripli juwapqa ótkiziledi. Testtegi juwaplar ssorawdaģı túsinik, nızamlıq hám ximiyalıq protsesslerdiń originaldan shetke shıqpaģan xalda alternativ boladı. Alternativ úyrenilip atırģan nızamlıq hám hádiyseler tiykarın tolıq túsinip alıwģa, olardı basqa nızamlıq hám hádiyseler menen aljastırmawģa járdem beredi.
Bunday test-sınawdıń nátiyjesin kompyuter járdeminde islep shıģıw múmkin bolganı ushın házirge shekem tiykarınan testtiń sol túrinen paydalanılmaqta. Biraq olardaģı test tapsırmalarında juwaplardıń alternativ bolıwı, juwaplardı bir hárip penen belgilep, kompyuter isletiwge sharayat jaratıw sıyaqlı test dúziliwine qoyılatuģın talaplardan shetke shıģıw jaģdayları da ushırasıp turadı.
Test dúziwde soraw hám máselelerdegi tańlanatuģın juwaplardıń alternativ bolıwına tiyisli mısallar keltiremiz.